சிங்கள,தமிழ் புதுவருட கொண்டாட்டத்தில் மதுபாவனை : ஆய்வில் வெளியான அதிர்ச்சி தகவல்
சிங்கள, தமிழ் புத்தாண்டுக் கொண்டாட்டங்களின் போது மதுபான பாவனை தொடர்பான தகவல்களை அறிந்து கொள்வதற்காக மதுபானம் மற்றும் போதைப்பொருள் தகவல் மையம் நடத்திய கணக்கெடுப்பில், கடந்த காலங்களை விட இந்த வருட புதுவருட கொண்டாட்டத்தில் மதுபாவனையின் அளவு குறைவடைந்துள்ளமை தெரியவந்துள்ளது.
இந்த ஆய்வில், இலங்கையின் அனைத்து மாகாணங்களையும் உள்ளடக்கிய மொத்தம் 415 பேரிடம் இருந்து தகவல்கள் பெறப்பட்டுள்ளன.இந்த மாதிரியில், 46.2% (192) பெண்கள் மற்றும் 53.7% (223) ஆண்கள் அடங்குவர்.
குறைவடைந்த மதுபாவனை
முன்னைய சிங்கள, தமிழ் புத்தாண்டு கொண்டாட்டங்களை விட இந்த ஆண்டு புத்தாண்டு கொண்டாட்டங்களின் போது மது பாவனை குறைந்துள்ளதாக கணக்கெடுக்கப்பட்டவர்களில் 64% பேர் கருத்து தெரிவித்துள்ளனர்.மது பாவனையில் மாற்றம் இல்லை என 26% பேரும், கடந்த பண்டிகை காலத்தை விட இந்த பண்டிகை காலத்தில் மது பாவனை அதிகரித்துள்ளதாக 10% பேரும் தெரிவித்துள்ளனர்.
மது அருந்துதல் குறைவதற்கான காரணங்களைக் கேட்டபோது, 71.5% பங்கேற்பாளர்கள் மது அருந்துதல் குறைவதற்கு மதுவின் விலை அதிகரிப்பு வலுவான காரணம் என்று கூறியுள்ளனர். மேலும், குடும்ப உறுப்பினர்களின் எதிர்ப்பு, உடல்நலக் கோளாறுகள், மது அருந்துவதை அர்த்தமற்றதாகப் பார்ப்பது ஆகியவை மதுப்பழக்கம் குறைவதற்கு முக்கிய காரணம் என்று நிறுவனம் தெரிவித்துள்ளது.
கூச்சல், சண்டை சச்சரவுகளும் குறைவு
கடந்த ஆண்டை விட இந்த ஆண்டு மதுவை பயன்படுத்தி கூச்சல், சண்டை சச்சரவுகள் குறைந்துள்ளதாக கணக்கெடுப்பில் பங்கேற்ற 70.8% பேரும், இதுபோன்ற சம்பவங்கள் அதிகரித்துள்ளதாக 7.8% பேரும் கருத்தும் தெரிவித்துள்ளனர். கடந்த ஆண்டை விட இந்த ஆண்டு இதுபோன்ற நிகழ்வுகளில் எந்த வித்தியாசமும் இல்லை என்று 21.4% பேர் கருத்து தெரிவித்துள்ளனர்.
இந்த ஆய்வில், மது/பீர் நுகர்வை சுவாரஸ்யமாக்கும் மற்றும் பல ஆண்டுகளை விட இந்த ஆண்டில் அதை ஊக்குவிக்கும் சமூக ஊடகப் பதிவுகள் குறித்து விசாரிக்கப்பட்டது. புகையிலை மற்றும் அல்கஹோல் மீதான தேசிய ஆணையம் (NATA) அனைத்து வகையான அல்கஹோல் விளம்பரங்களையும் தடைசெய்தாலும், கணக்கெடுப்பில் 71.4% பேர் சமூக ஊடகங்களில் இதுபோன்ற விளம்பரங்களைப் பார்த்ததாகக் கூறியுள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
