கொழும்பில் இன்று முதல் மூடப்படும் வீதிகள் : காவல்துறையினர் வெளியிட்டுள்ள அறிவிப்பு

Sri Lanka Police Colombo Sri Lanka

By Sathangani Feb 05, 2024 05:26 AM GMT

Sathangani

in சமூகம்

Report

கொழும்பில் கொள்ளுப்பிட்டி, கொம்பனி வீதி காவல்துறை பிரிவுகளுக்கு அண்மித்த உத்தரானந்த மாவத்தை, பெரஹெர மாவத்தை மற்றும் நவம் மாவத்தை ஆகிய வீதிகள் இன்று (05) முதல் சில கட்டங்களின் கீழ் மூடப்படும் என காவல்துறையினர் தெரிவித்துள்ளனர்.

அந்த வீதிகளை அண்மித்த பகுதியில் நிலத்தடி குழாய் பொருத்தும் நடவடிக்கை முன்னெடுக்கப்படுகின்றமையே இதற்கு காரணம் என மாநகர பொறியியலாளர்கள் திணைக்களம் தெரிவித்துள்ளது.

இதன்படி இன்று (05) முதல் 19ஆம் திகதி வரை உத்தரானந்த மாவத்தை, நவம் மாவத்தையில் இருந்து தொடருந்து கடவை வரையிலான பகுதி மூடப்படவுள்ளது.

பெரஹெர மாவத்தை முதல் நவம் மாவத்தை வரை

மேலும், பெப்ரவரி 20ஆம் திகதி முதல் மார்ச் 04ஆம் திகதி வரை உத்தரானந்த மாவத்தையில் இருந்து பெரஹெர மாவத்தை முதல் நவம் மாவத்தை வரையிலான பகுதி மூடப்படவுள்ளது.

கொழும்பில் இன்று முதல் மூடப்படும் வீதிகள் : காவல்துறையினர் வெளியிட்டுள்ள அறிவிப்பு | Road Closures In Colombo From Today

அதன் மூன்றாம் கட்டத்தின் கீழ், மார்ச் 5ஆம் திகதி முதல் மார்ச் 11ஆம் திகதி வரை உத்தரானந்த மாவத்தையிலிருந்து பெரஹெர மாவத்தைக்கு அருகிலுள்ள ரொட்டுண்டா கார்டன் சந்தியின் பகுதி வரை மூடப்படும் என்று காவல்துறையினர் குறிப்பிட்டுள்ளனர்.