ரஷ்யாவின் பாரிய தாக்குதலில் இருளில் மூழ்கியது உக்ரைன்
உக்ரைன் (ukraine)மின்கட்டமைப்பை குறிவைத்து 120 ஏவுகணைகள், 90 டிரோன்களை ஏவி ரஷ்யா(russia) நடத்திய பாரிய தாக்குதலில் உக்ரைன் இருளில் மூழ்கியுள்ளது.
ரஷ்யாவில் இருந்து ஏவப்பட்ட பெரும்பாலான ஏவுகணைகள் , டிரோன்கள் ஆகியவற்றை உக்ரைன் பாதுகாப்புப்படை சுட்டு வீழ்த்தியது. ஆனாலும், சில ஏவுகணைகள், டிரோன்கள் இலக்குகளை தாக்கி அழித்தன.
தலைநகர் கீவ் மற்றும் டொனெட்ஸ்க், எல்விவ் மற்றும் ஒடேசா உள்ளிட்ட பல பகுதிகளில் நடத்தப்பட்ட தாக்குதல்களில் குறைந்தது 10 பேர் கொல்லப்பட்டனர்.
மிகப்பெரிய தாக்குதல்
இந்த தாக்குதலில் மின் உற்பத்தி உள்கட்டமைப்புகள் பெரும்பாலான எண்ணிக்கையில் சேதமடைந்தன என உக்ரைன் ஜனாதிபதி ஜெலன்ஸ்கி தெரிவித்துள்ளார். கடந்த 3 மாதங்களில் ரஷ்யாவால் நடத்தப்பட்ட ஏவுகணைத் தாக்குதல்களில் இதுவே மிகப்பெரியதாகும் என்று கூறப்படுகிறது.
"உக்ரைனிய இராணுவ-தொழில்துறை வளாகத்தை ஆதரிக்கும் அத்தியாவசிய மின்சார உள்கட்டமைப்பை" குறிவைத்ததாக ரஷ்யா தெரிவித்துள்ளது.
கடந்த வருடமும் இதேபோன்ற தாக்குதல்
உக்ரைனின் அண்டை நாடுகளான ருமேனியா மற்றும் மோல்டோவா, ரஷ்யா வேண்டுமென்றே குளிர்காலத்தில் உக்ரைனில் உறைபனி நிலைமைகளை ஏற்படுத்த முயற்சிப்பதாக குற்றம் சாட்டின, உக்ரைனிய எம்பி ஒருவர் பிபிசியிடம், கடந்த ஆண்டு குளிர்காலத்திற்கு முன்னதாக ரஷ்யா இதே போன்ற தாக்குதல்களை நடத்தியதாக கூறினார்.
உக்ரைனின் மிகப்பெரிய தனியார் எரிசக்தி நிறுவனம், தாக்குதல்களால் அதன் வெப்ப ஆற்றல் ஆலைகளுக்கு "குறிப்பிடத்தக்க சேதத்தை" ஏற்படுத்தியதாகவும், அதன் விளைவாக சில பகுதிகளில் மின்சாரம் துண்டிக்கப்பட்டதாகவும் கூறியது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சித்திரவதையின் காயங்கள் உடலில் மாத்திரம் தெரிவதல்ல… 4 மணி நேரம் முன்
தமிழர் தேசத்தை உலுக்கும் வீதி விபத்துக்கள்...
4 நாட்கள் முன்
புங்குடுதீவு 1ம் வட்டாரம், வேலணை சோளாவத்தை, London, United Kingdom
27 Jun, 2026
யாழ் பருத்தித்துறை வராத்துப்பளை, Jaffna, புற்றளை
25 Jun, 2026
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026
