இலங்கையின் மனித உரிமை விவகாரம்! இரட்டை நிலைப்பாடு தொடர்பில் சர்வதேசத்தை விமர்சிக்கும் ரஷ்யா

Sri Lanka Sri Lankan Peoples NATO Russia Gaza

By Eunice Ruth May 20, 2024 02:46 PM GMT

Eunice Ruth

in இலங்கை

Report

இலங்கையின் மனித உரிமை தொடர்பான விடயங்களில் சர்வதேச தரப்பினர் மற்றும் அமைப்புக்கள் இரட்டை நிலைப்பாடுடன் செயல்படுவதாக கொழும்பிலுள்ள ரஷ்யா தூதரகம் விமர்சித்துள்ளது.

இலங்கை மீதான வெளிதரப்பினரின் அழுத்தங்கள் அதிகரித்துள்ளதை ரஷ்யா தூதரகம் அவதானித்து வருவதாகவும், தூதரகம் வெளியிட்டுள்ள அறிக்கையில் குறிப்பிட்டுள்ளது.

மேற்கத்திய அரசியல் பிரமுகர்கள், இராஜதந்திரிகள் மற்றும் சர்வதேச மனித உரிமை அமைப்புகள் இலங்கையின் மனித உரிமைகள் தொடர்பில் விமர்சனங்களை முன்வைத்து வருவதாக கொழும்பிலுள்ள ரஷ்யா தூதரகம் சுட்டிக்காட்டியுள்ளது.

இரட்டை நிலைப்பாடு

குறித்த தரப்பினர் மாற்று கொள்கைகளை பின்பற்றுவதாகவும் இலங்கை விடயத்தில் இரட்டை நிலைப்பாடுடன் செயல்படுவதாகவும் அந்த தூதரகம் வெளியிட்டுள்ள அறிக்கையில் சுட்டிக்காட்டியுள்ளது.

இலங்கையின் மனித உரிமை விவகாரம்! இரட்டை நிலைப்பாடு தொடர்பில் சர்வதேசத்தை விமர்சிக்கும் ரஷ்யா | Russian Embassy International Society Human Rights

காசாவில் தொடரும் போர் நிலை குறித்து மேற்கத்திய அரசியல் பிரமுகர்கள் மற்றும் இராஜதந்திரிகள் ஏன் கருத்து வெளியிட மறுக்கிறார்கள் எனவும் யூகோஸ்லாவியா, ஆப்கானிஸ்தான் மற்றும் லிபியா ஆகிய நாடுகளுக்கு நேட்டோ ஏற்படுத்திய மனிதாபிமான சேதம் பற்றிய மதிப்பீடுகளை ஏன் குறித்த தரப்பினர் வழங்கவில்லை எனவும் ரஷ்யா தூதரகம் கேள்வியெழுப்பியுள்ளது.

இவ்வாறான கேள்விகளுக்கு சம்பந்தப்பட்ட தரப்பினர் பதிலளிக்காவிட்டாலும், பலருக்கு பதில் தெரியுமெனவும் குறிப்பிடப்பட்டுள்ளது.