பலஸ்தீன தூதுவரைச் சந்தித்த எதிர்க்கட்சித் தலைவர் சஜித் பிரேமதாச
பாலஸ்தீனம் மற்றும் இஸ்ரேல் இடையே தற்போது நிலவிவரும் நெருக்கடி நிலையை பேச்சுவார்த்தை மூலம் தீர்ப்பதால், இரு நாட்டு மக்களின் உயிர் பாதுகாப்புக்கு தொடர்ந்து உத்தரவாதம் அளிக்கப்படும் என்று எதிர்க்கட்சி தலைவர் சஜித் பிரேமதாச தெரிவித்துள்ளார்.
எதிர்க்கட்சித் தலைவர் சஜித் பிரேமதாச அவர்கள் இன்று (16) இலங்கைக்கான பலஸ்தீன தூதுவர் HE Dr. Zuhair Hamdallah Zaid அவர்களை சந்தித்து பலஸ்தீன நிலமைகளை கேட்டறிந்து தமது கவலைகளையும் வெளிப்படுத்தும் போததே மேற்கண்டவாறு குறிப்பிட்டுள்ளார்.
இதுகுறித்து மேலும் அவர் கருத்து தெரிவிக்கையில்,
அமைதிக்கான தீர்வு
“எந்தவொரு சந்தர்ப்பத்திலும் போரோ அல்லது வன்முறையோ ஒரு பிரச்சினைக்கு தீர்வாக அமையாது.
நான் தற்காலிக அமைதியை விட நிரந்தர அமைதியையே நாடுவதனால், இவ்வாறான நிலையான அமைதிக்கான தீர்வை இரு நாட்டு தலைவர்களும் சந்தித்து இணக்கம் காணுமாறு கேட்டுக் கொள்கிறேன்.
தொடர்ந்தும் யுத்தம் நடந்தால் குழந்தைகள், தாய்மார்கள், பெண்கள் உட்பட அப்பாவி மக்கள் உயிரிழக்க நேரிடும்.
காயப்பட்டு பல்வேறு கோளாறுகள் மற்றும் அசௌகரியங்களுக்கு ஆளாதல் போன்றன ஏற்படுவதனால், இரு நாடுகளுக்கும் இடையே போர் நிலவும் நிலை நீடிக்காமல் நிரந்தர அமைதிக்கான ஆரம்பமே எழுந்துள்ளது.
வன்முறையை ஏற்காதவன் என்ற வகையில், இரு தரப்பு பொதுமக்களின் உயிருக்கு இனியும் ஆபத்து ஏற்படாமல் நிலையான அமைதியை நோக்கி நகர வேண்டும் என்றே இந்நேரத்தில் கேட்டுக் கொள்ள வேண்டியுள்ளது.” என்றார்.
அத்துடன், இந்த போரில் உயிரிழந்த மற்றும் குடும்பத்தை இழந்த இரு நாட்டு பொதுமக்களுக்கும் தனது இரங்கலையும், அநுதாபங்களையும் தெரிவித்துக் கொள்வதாகவும் எதிர்க்கட்சித் தலைவர் சஜித் பிரேமதாச குறிப்பிட்டுள்ளார்.
இச்சந்திப்பில் எதிர்க்கட்சித் தலைவருடன் நாடாளுமன்ற உறுப்பினர் இம்தியாஸ் பாக்கிர் மாக்கார் அவர்களும் கலந்து கொண்டார்.
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
