சவுதி அரசின் மரண தண்டனையில் இருந்து விடுவிக்கபட்ட அனோஜன்: நன்றி தெரிவித்த சஜித்

Sajith Premadasa Death Penalty Sivarasa Anojan

By Pavi Oct 14, 2026 07:46 AM GMT

Pavi

in அரசியல்

Report

இலங்கைப் பொறியியலாளர் அனோஜன் சிவராசாவுக்கு விதிக்கப்பட்ட மரண தண்டனைத் தீர்ப்பை இரத்துச் செய்வதற்கு பங்களித்த சவூதி அரேபிய அரசாங்கத்திற்கும் ஏனைய அனைவருக்கும் எதிர்க்கட்சித் தலைவர் சஜித் பிரேமதாச தனது நன்றியைத் தெரிவித்துள்ளார்.

சவூதி அரேபிய உச்ச நீதிமன்றம் மரண தண்டனைத் தீர்ப்பை இரத்துச் செய்ததன் மூலம் அனோஜன் சிவராசாவின் உயிர் காப்பாற்றப்பட்டமை குறித்து தாம் மிகுந்த மகிழ்ச்சியடைவதாக அவர் குறிப்பிட்டுள்ளார்.

இந்த முயற்சியில் பங்களித்த ஜனாதிபதி சட்டத்தரணி பைசர் முஸ்தபா, சட்டத்தரணி உபுல் குமாரப்பெரும உள்ளிட்ட சட்டக் குழுவினருக்கும், இலங்கைக்கான சவூதி அரேபியத் தூதுவருக்கும் ஏனைய தரப்பினருக்கும் அவர் நன்றி தெரிவித்துள்ளார்.

எதிர்க்கட்சித் தலைவர்

அனோஜன் சிவராசாவின் உயிர்வாழும் உரிமையைப் பாதுகாப்பதற்காகத் தாமும் தமது குழுவினரும் இயன்ற அனைத்து முயற்சிகளையும் மேற்கொண்டதாக எதிர்க்கட்சித் தலைவர் கூறியுள்ளார்.

சவுதி அரசின் மரண தண்டனையில் இருந்து விடுவிக்கபட்ட அனோஜன்: நன்றி தெரிவித்த சஜித் | Sajith Thanks Saudi Authorities Anojan Sivarasa

இந்தத் தீர்மானத்தை வழங்கிய சவூதி அரேபிய உச்ச நீதிமன்றத்திற்கும் சவூதி அரேபிய மன்னருக்கும் அவர் தனது நன்றியைத் தெரிவித்துள்ளார்.

இந்த முடிவு பெரும் நிம்மதியை அளித்துள்ளதாகக் குறிப்பிட்ட சஜித் பிரேமதாச, இதனைச் சாத்தியப்படுத்துவதில் பங்காற்றிய அனைவருக்கும் தனது மரியாதையையும் நன்றியையும் தெரிவித்துள்ளார்.