பதவி நீக்கப்படவுள்ள சமன் ஏக்கநாயக்க : ராஜபக்சக்களின் சகா தகவல்

Presidential Secretariat of Sri Lanka Ranil Wickremesinghe Sri Lanka President of Sri lanka Election

By Eunice Ruth Jan 06, 2024 12:54 AM GMT

Eunice Ruth

in அரசியல்

Report

சிறிலங்கா அதிபர் ரணில் விக்ரமசிங்கவின் செயலாளர் சமன் ஏக்கநாயக்க எதிர்வரும் 16 ஆம் திகதி பதவி நீக்கப்படவுள்ளதாக தகவல்கள் வெளியாகியுள்ளன.

இதன்படி, முன்னாள் பிரதமரின் செயலாளர் காமினி செனரத்தை அதிபரின் செயலாளர் பதவிக்கு நியமிக்க திட்டமிடப்பட்டுள்ளதாக ராஜபக்ச குடும்பத்தின் உறவினரான உதயங்க வீரதுங்க தெரிவித்துள்ளார்.

இந்த யோசனைக்கு அதிபர் ரணில் விக்ரமசிங்க ஒப்புதல் வழங்கியுள்ளதாகவும் கொழும்பு ஊடகமொன்றுக்கு வழங்கிய நேர்காணலின் போது அவர் கூறியுள்ளார்.

அதிபர் செயலாளர்

ரணில் விக்ரமசிங்கவின் தற்போதைய செயலாளர் சமன் ஏக்கநாயக்கவை சில நாடாளுமன்ற உறுப்பினர்கள் எதிர்ப்பதாக அவர் சுட்டிக்காட்டியுள்ளார்.

பதவி நீக்கப்படவுள்ள சமன் ஏக்கநாயக்க : ராஜபக்சக்களின் சகா தகவல் | Saman Ekanayake Ranil Wickremesinghe Secretary Sl

இதற்கமைய, அவரை பதவி நீக்கி மற்றுமொருவை குறித்த பதவிக்கு நியமிக்க தீர்மானிக்கப்பட்டுள்ளதாக உதயங்க வீரதுங்க கூறியுள்ளார்.

பொதுத் தேர்தல்

இதேவேளை, அதிபர் தேர்தலுக்கு முன்னர் பொதுத் தேர்தலை நடத்துவதற்கு நடவடிக்கை எடுக்குமாறு சிறிலங்கா பொதுஜன பெரமுனவின் ஸ்தாபகர் பசில் ராஜபக்ச ரணில் விக்ரமசிங்கவுக்கு அழுத்தம் கொடுப்பதாகவும் அவர் தெரிவித்துள்ளார்.