அரசுக்கு பெரும் சவாலான பாதாள உலகம்: பொன்சேகா வெளியிட்ட தகவல்

Sarath Fonseka Government Of Sri Lanka Sri Lankan Peoples Ananda Wijepala

By Dilakshan Jul 13, 2025 07:28 AM GMT

Dilakshan

in அரசியல்

Report

பாதாள உலக நடவடிக்கைகளைத் தடுப்பதில் இந்த அரசாங்கத்தில் பாதுகாப்புத் துறைக்குப் பொறுப்பான அமைச்சர் எதுவும் செய்யப்படவில்லை என பீல்ட் மார்ஷல் சரத் பொன்சேகா தெரிவித்துள்ளார்.

எசல பௌர்ணமி போயாவை முன்னிட்டு களனியில் இடம்பெற்ற கூட்டத்தில் உரையாற்றும்போதே அவர் இதனை கூறியுள்ளார்.

பாதுகாப்புச் செயலாளர் பதவி

அதன்போது மேலும் கருத்து தெரிவித்த அவர், "இந்த அரசாங்கத்தில் பாதுகாப்புத் துறைக்குப் பொறுப்பான அமைச்சர் சில வேலைகளைச் செய்கிறார்.

அரசுக்கு பெரும் சவாலான பாதாள உலகம்: பொன்சேகா வெளியிட்ட தகவல் | Sarath Fonseka Accusation Against The Government

ஆனால் இதுவரை பாதாள உலகத்தின் செயல்பாடுகளைத் தடுக்க எதுவும் செய்யப்படவில்லை. இப்போதெல்லாம், கொலைகள் முக்கியமாக போதைப்பொருள் கடத்தல் மூலம் நடக்கின்றன.

இதன்படி போதைப்பொருள் நம் சமூகத்திற்கு அவமானமாகிவிட்டது. மேலும், எனக்கு பாதுகாப்புச் செயலாளர் பதவி வழங்கப்பட்டாலும், அதை நான் ஏற்றுக்கொள்ள மாட்டேன். அத்தோடு நடவடிக்கைகளை செயற்படுத்த அங்கு சரியான செயலாளர்கள் இல்லை.

அரசாங்கத்தின் அமைப்பு

அமைச்சகங்களில் தணிக்கை அதிகாரிகளாக செயலாளர்கள் உள்ளனர். இருப்பினும், நான் ஒரு ஃபீல்ட் மார்ஷல் என்பதால், அரசாங்கத்தின் அமைப்பின்படி, அமைச்சர்களுக்கு உள்ள பொறுப்பு எனக்கும் உள்ளது.