சஷீந்திர ராஜபக்ச சிறைச்சாலை மருத்துவமனையில் அனுமதி
தற்போது விளக்கமறியலில் வைக்கப்பட்டுள்ள முன்னாள் இராஜாங்க அமைச்சர் சஷீந்திர ராஜபக்ச (Shasheendra Rajapaksa) சிறைச்சாலை மருத்துவமனையில் அனுமதிக்கப்பட்டுள்ளதாக சிறைச்சாலைகள் திணைக்களம் உறுதிப்படுத்தியுள்ளது.
சஷீந்திர ராஜபக்சவை செப்டம்பர் 12 ஆம் திகதி வரை மேலும் விளக்கமறியலில் வைக்குமாறு ஓகஸ்ட் 29 ஆம் திகதி, கொழும்பு மேன்முறையீடடு நீதிமன்றம் உத்தரவிட்டது.
அத்துடன் அவர் சார்பாக தாக்கல் செய்யப்பட்ட பிணை மனுவையும் நீதிமன்றம் நிராகரித்தது.
விளக்கமறியலில் வைக்க உத்தரவு
கொழும்பு தலைமை நீதிபதி அசங்க எஸ். போதரகம, முன்னாள் இராஜாங்க அமைச்சரை குறிப்பிட்ட திகதி வரை விளக்கமறியலில் வைக்க உத்தரவிட்டார்.
கடந்த ஓகஸ்ட் 06 ஆம் திகதி நுகேகொடையில் உள்ள அவரது இல்லத்தில் இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்தால் (CIABOC) ராஜபக்ச கைது செய்யப்பட்டார்.
2022 ஆம் ஆண்டு நாடு முழுவதும் நடந்த போராட்டங்களின் போது தீ வைக்கப்பட்ட செவனகல-கிரிப்பன் வேவா பகுதியில் உள்ள அரச நிலத்தில் சேதமடைந்த கட்டிடத்திற்கு மற்றொரு நபர் மூலம் இழப்பீடு பெறப்பட்டதாகக் கூறப்படும் சம்பவம் தொடர்பாக அவர் விளக்கமறியலில் வைக்கப்பட்டார்.
மே 9, 2022 அன்று நடந்த பொதுமக்கள் போராட்டத்தின் போது, செவனகல-கிரிப்பன் வேவா பகுதியில் உள்ள இலங்கை மகாவலி அதிகாரசபைக்குச் சொந்தமான நிலத்தில் சட்டவிரோதமாக கட்டப்பட்ட கட்டிடம் உட்பட பல சொத்துக்கள் சேதமடைந்ததாக இலஞ்ச ஒழிப்பு ஆணையம் தெரிவித்துள்ளது.
இழப்பீடு பெறும் முயற்சி
சேதமடைந்த சொத்துக்களுக்கான இழப்பீட்டுச் செயல்பாட்டின் போது, அந்த சொத்து இலங்கை மகாவலி அதிகாரசபைக்குச் சொந்தமானது என்று அடையாளம் காணப்பட்டது, இதனால் இழப்பீடு வழங்குவது நிராகரிக்கப்பட்டது.
இருப்பினும், சஷீந்திர ராஜபக்ச தனது அதிகாரப்பூர்வ அதிகாரத்தைப் பயன்படுத்தி, சேத மதிப்பீட்டு அலுவலகத்தில் நியமிக்கப்பட்ட சில அரச அதிகாரிகள் மீது தேவையற்ற செல்வாக்கைப் பயன்படுத்தி, முடிவை மீறி இழப்பீடு பெறும் முயற்சியில் ஈடுபட்டதாகக் கூறப்படுகிறது.
மேலும், மேற்படி இழப்பீட்டைப் பெறுவது தொடர்பாக ஊழல் குற்றத்தைச் செய்ததாகவும், அதற்கு சதி செய்ததாகவும், மகாவலி அதிகாரசபைக்குச் சொந்தமான அரசாங்கச் சொத்துக்களை சட்டவிரோதமாகவும் மோசடியாகவும் பயன்படுத்தியதாகவும் அவர் மீது குற்றம் சாட்டப்பட்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புலோலி தெற்கு, கிளிநொச்சி, Bandarawela, கொழும்பு, Erkelenz, Germany, Madoc, Canada, Markham, Canada
06 Sep, 2024
கோண்டாவில் மேற்கு, Bad Vilbel, Germany, London, United Kingdom
02 Sep, 2025
கட்டைப்பிராய், கல்வியங்காடு, யாழ்ப்பாணம், Toronto, Canada, Montreal, Canada
06 Sep, 2024
கொழும்புத்துறை, நாவற்குழி, Markham, Canada
05 Sep, 2025
புங்குடுதீவு 10ம் வட்டாரம், புங்குடுதீவு 3ம் வட்டாரம், Ajax, Canada
03 Sep, 2025
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
பளை, கச்சார்வெளி, புளியங்குளம், வவுனியா, Weston, Canada, Whitchurch, Canada
03 Sep, 2020
