திருகோணமலையில் துப்பாக்கி சூடு! காவல்துறைக்கு கிடைத்த ஆதாரம்
புதிய இணைப்பு
திருகோணமலையில்யில் நேற்று இரவு 5ம் கட்டை பகுதியில் நடந்த துப்பாக்கிச் சூட்டில் 61 வயதுடைய ஒருவர் உயிரிழந்துள்ளார்.
இந்நிலையில் உயிரிழந்தவர் பிரசன்ன ஹேமகுமார என அடையாளம் காணப்பட்டுள்ளார்.
இதன்படி கொலையாளிகள் கொலை செய்ய பயன்படுத்திய மோட்டார் சைக்கிள் கப்பல்துறை பகுதியில் உள்ள ஒரு பாலத்தின் கீழ் கைவிடப்பட்ட நிலையில் இன்று காலை கண்டுபிடிக்கப்பட்டுள்ளது.
இந்தக் கொலை பாதாள உலக சம்பவமாக இருக்கலாம் என சந்தேகிக்கப்படுகிறது.
இன்று காலை திருகோணமலை தலைமை நீதிபதி எம்.என். சம்சுதீன் முன்னிலையில் சடலத்தின் பிரேத பரிசோதனை நடத்தப்பட்டது, அதே நேரத்தில் சீனக்குடா போலீசார் மேலதிக விசாரணைகளை மேற்கொண்டு வருகின்றனர்.
செய்தி - தொம்சன்
முதலாம் இணைப்பு
திருகோணமலையில் துப்பாக்கி சூட்டிற்கு இலக்காகி ஒருவர் உயிரிழந்துள்ளார்.
குறித்த சம்பவம் இன்று (01) மாலை இடம்பெற்றுள்ளது.
குறித்த விடயத்தை காவல்துறை ஊடகப் பிரிவு தெரிவித்துள்ளது.
காவல் பிரிவு
சம்பவம் தொடர்பில் மேலும் தெரியவருகையில், திருகோணமலையில் உள்ள சீன துறைமுக நகர் காவல் பிரிவுக்கு உட்பட்ட ஐந்தாம் கட்டை பகுதியில் இந்த துப்பாக்கி பிரயோகம் நடத்தப்பட்டுள்ளதாக தெரிவிக்கப்படுகின்றது.
மோட்டார் சைக்கிளில் பிரவேசித்த அடையாளம் தெரியாத இருவர் துப்பாக்கிச் சூட்டை நடத்தி விட்டு தப்பிச் சென்றுள்ளதாக காவல்துறையினர் தெரிவித்துள்ளனர்.
சம்பவத்தில் உயிரிழந்தவர் அதே பகுதியைச் சேர்ந்த 59 வயதுடைய பிரசன்ன கேமகுமார என தெரியவந்துள்ளது.
சந்தேகநபர்களை கைது செய்வதற்கான விசாரணைகளை சீனக்குடா துறைமுக நகர் காவல்துறையினர் முன்னெடுத்து வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024