அதிபர் தேர்தலை ஒத்திவைக்க திட்டம் : ரணிலின் தந்திரம்!
இலங்கையில் இந்த ஆண்டு நடைபெறவுள்ள அதிபர் தேர்தலில் போட்டியிட்டால் தோல்வியடைவது உறுதி என்பதை அதிபர் ரணில் விக்ரசிங்க நன்கு அறிந்திருப்பதாக சுதந்திர மக்கள் காங்கிரஸ் தெரிவித்துள்ளது.
ரணில் விக்ரமசிங்கவின் அரசியல் தந்திரத்தை நன்கு அறிந்திருப்பதாக காங்கிரஸின் பிரதிநிதியும், நாடாளுமன்ற உறுப்பினருமான டிலான் பெரேரா தெரிவித்துள்ளார்.
இதனால் நிறைவேற்று அதிகாரம் கொண்ட அதிபர் முறைமையை நீக்குவது தொடர்பில் தற்போது பேசப்படுவதாக அவர் சுட்டிக்காட்டியுள்ளார்.
அதிபர் வேட்பாளர்
ரணில் விக்ரமசிங்க திட்டமிட்டு அதிபர் தேர்தலை பிற்போடுவதற்கு அரசியலமைப்பு ஊடாகவே தடைகளை ஏற்படுத்துவார் எனவும் கொழும்பில் இடம்பெற்ற ஊடகவியலாளர் சந்திப்பின் போது அவர் கூறியுள்ளார்.
இது தொடர்பில் அவர் மேலும் தெரிவித்ததாவது, "அரசியலமைப்பின் பிரகாரம் இந்த ஆண்டு அதிபர் தேர்தல் நடத்தப்பட வேண்டும்.
மக்கள் விடுதலை முன்னணியின் தலைவர் அனுரகுமார திஸாநாயக்க அதிபர் தேர்தலில் போட்டியிடுவதாகக் குறிப்பிட்டுள்ளார். ஆனால் ஏனைய பிரதான எதிர்க்கட்சிகளும், ஆளுங்கட்சியும் தமது அதிபர் வேட்பாளரை இதுவரை அறிவிக்கவில்லை.
மொட்டு கட்சி
அரசாங்கத்தில் அமைச்சு மற்றும் இராஜாங்க அமைச்சு பதவிகளை வகிக்கும் சிறிலங்கா பொதுஜன பெரமுனவின் உறுப்பினர்கள் அதிபர் ரணில் விக்ரமசிங்கவை அதிபர் வேட்பாளராக அறிவிக்க வேண்டும் என்று குறிப்பிடுகிறார்கள்.
ஆனால் அமைச்சு பதவிகள் இல்லாத பொதுஜன பெரமுனவின் பெரும்பாலான உறுப்பினர்கள் ரணில் விக்ரமசிங்கவை அதிபரட வேட்பாளராகக் களமிறக்கக் கூடாது என்று குறிப்பிட்டுள்ளதை அறிய முடிகிறது.
ராஜபக்சக்களை அதிபர் வேட்பாளராகக் களமிறக்கும் நிலை ஏற்பட்டுள்ளதால் அதிபர் தேர்தல் குறித்து எவ்வித தீர்மானங்களையும் எடுக்க முடியாத இக்கட்டான நிலைக்கு சிறிலங்கா பொதுஜன பெரமுன தள்ளப்பட்டுள்ளது.
அதிபர் தேர்தலில் போட்டியிட்டால் படுதோல்வி அடைவது உறுதி என்பதை அதிபர் ரணில் விக்ரமசிங்க நன்கு அறிவார். ஆகவே, எந்த வழியிலாவது தேர்தலை பிற்போடுவதற்கு அவர் விசேட கவனம் செலுத்துவார்.
நிறைவேற்று அதிகாரம் கொண்ட அதிபர் முறை
நிறைவேற்று அதிகாரம் கொண்ட அதிபர் முறைமையை நீக்க தற்போது முன்னாள் சபாநாயகர் கரு ஜயசூரிய தலைமையில் விசேட கவனம் செலுத்தப்பட்டுள்ளது.
நிறைவேற்று அதிகாரம் கொண்ட அதிபர் முறைமையை நீக்குவதாக குறிப்பிட்டுக் கொண்டு அதிபர் தேர்தலை பிற்போடுவதற்கான நடவடிக்கைகள் முன்னெடுக்கப்படுகின்றன.
அதிபரின் அரசியல் தந்திரத்தை நாங்கள் நன்கு அறிவோம். ஆகவே அதிபர் தேர்தலை பிற்போடும் முயற்சிக்கு நாட்டு மக்கள் ஒத்துழைப்பு வழங்கக் கூடாது” என தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு மேற்கு, பாண்டியன்குளம், வவுனியா, வெள்ளவத்தை, பிரான்ஸ், France
03 Mar, 2022
Kuala Lumpur, Malaysia, உரும்பிராய், Ilford, United Kingdom
12 Mar, 2025
மீசாலை வடக்கு, கனகாம்பிகைக்குளம், Ross-on-Wye, United Kingdom
01 Mar, 2024
