கஜகஸ்தான் செல்லவுள்ள ரணில் விக்ரமசிங்க! வெளியானது தகவல்
அதிபர் ரணில் விக்ரமசிங்கவை கஜகஸ்தானுக்கு உத்தியோகப்பூர்வ பயணமொன்றை மேற்கொள்ளுமாறு அழைப்பு விடுக்கப்பட்டுள்ளது.
கஜகஸ்தான் நாட்டு தூதுக்குழுவினரால் விடுக்கப்பட்ட அழைப்புக்கமைய எதிர்வரும் ஜுன் மாதம் ரணில் விக்ரமசிங்க அந்த நாட்டுக்கு பயணம் செய்வார் என எதிர்பார்க்கப்படுகிறது.
இலங்கை மற்றும் கஜகஸ்தான் ஆகிய நாடுகளுக்கிடையிலான சர்வதேச மன்றம் தொடர்பான இரண்டாவது சுற்று பேச்சுவார்த்தை அண்மையில் இடம்பெற்றது.
பேச்சுவார்த்தை
இந்த பேச்சுவார்த்தையின் போது, வர்த்தகம், சுற்றுலா, எரிசக்தி மற்றும் போக்குவரத்து தொடர்பான விடயங்கள் குறித்து கலந்துரையாடப்பட்டுள்ளது.
அத்துடன், கஜகஸ்தான் தலைநகர் அஸ்தானாவில் இருந்து இலங்கைக்கு நேரடி விமானங்களை ஆரம்பிப்பது குறித்தும் இதன்போது விரிவாக ஆராயப்பட்டுள்ளது.
ரணிலுக்கு அழைப்பு
இந்த வருடத்திற்கான அஸ்தானா சர்வதேச மன்றம் எதிர்வரும் ஜூன் மாதம் இடம்பெறவுள்ளது.
இதில் பங்கேற்குமாறு அதிபர் ரணில் விக்ரமசிங்கவுக்கு அழைப்பு விடுக்கப்பட்டுள்ளது.
இதேவேளை, அஸ்தானா சர்வதேச மன்றம் தொடர்பான மூன்றாவது சுற்று பேச்சுவார்த்தை எதிர்வரும் 2025 ஆம் ஆண்டில் நடத்துவதற்கு தீர்மானிக்கப்பட்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கொக்குவில் கிழக்கு, கோண்டாவில் கிழக்கு, Mississauga, Canada
13 Aug, 2020
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
கோப்பாய், Sudbury Hill, United Kingdom, Ealing, United Kingdom
27 Jul, 2026
