இலங்கை தொடர்பில் ஐ.நா வெளியிட்டுள்ள அறிக்கை குறித்து ஜெனீவாவிற்கான தூதுவர் குற்றச்சாட்டு
ஐக்கிய நாடுகளின் (UN) மனித உரிமைகளிற்கான ஆணையாளர் அலுவலகம் (OHCHR) இலங்கை தொடர்பில் வெளியிட்டுள்ள அறிக்கை குறைபாடுடையது, பக்கச்சார்பானது, சுயமாக உருவாக்கியது என ஜெனீவாவிற்கான இலங்கை தூதுவர் ஹிமாலி அருணதிலக (Himalee Arunatilaka) குற்றஞ்சாட்டியுள்ளார்.
ஐ.நா மனித உரிமை ஆணையாளர் வோல்கெர் டேர்க்கிற்கு (Volker Turk) அறிக்கை குறித்து கடிதமொன்றை எழுதியுள்ள கடிதத்தில் இந்தக் குற்றச்சாட்டினை முன்வைத்துள்ளார்.
ஐக்கிய நாடுகள் மனித உரிமை பேரவையின் ஆணை எதுவும் இல்லாத நிலையில் ஐ.நா மனித உரிமை ஆணையாளர் இலங்கை குறித்து அறிக்கை வெளியிட்டுள்ளதை தேவையற்ற ஒரு தலைப்பட்சமான முயற்சி என இலங்கை தூதுவர் தெரிவித்துள்ளார்.
வெளிவிவகார அமைச்சு தெரிவிப்பு
இலங்கையின் நிலைப்பாட்டினை கருத்தில் கொள்ளாமல் மேற்கொள்ளப்பட்ட நடவடிக்கை இது என ஜெனீவாவிற்கான இலங்கை தூதுவர் மேலும் குறிப்பிட்டுள்ளார்.
அத்துடன் இந்த அறிக்கையை மனித உரிமை ஆணையாளர் அலுவலகம் வெளியிட்டமைக்கான நோக்கம் என்னவென கேள்வி எழுப்பியுள்ளார் என வெளிவிவகார அமைச்சின் அதிகாரிகள் தெரிவித்துள்ளனர் என ஊடகம் ஒன்று செய்தி வெளியிட்டுள்ளது.
ஐ.நா மனித உரிமை ஆணையாளர் அலுவலகத்தின் அறிக்கை தவறானது என தனது கடிதத்தில் தெரிவித்துள்ள ஜெனீவாவிற்கான இலங்கை தூதுவர் பக்கச்சார்பின்மை புறநிலை மற்றும் தேர்ந்தெடுக்காமை ஆகிய கொள்கைகளின் அடிப்படைகளிற்கு இந்த அறிக்கை முரணாணது என தெரிவித்துள்ளார் என வெளிவிவகார அமைச்சின் வட்டாரங்கள் தெரிவித்துள்ளன.
15 வருடங்கள் பூர்த்தி
இலங்கை அரசாங்கம் நல்லிணக்கத்திற்கான தீவிர முயற்சிகளில் ஈடுபட்டுள்ள தருணத்தில் இந்த அறிக்கை பக்கச்சார்பானது அரசியல் மயப்படுத்தப்பட்டது சுயமாக உருவாக்கப்பட்டது என அவர் மேலும் சுட்டிக்காட்டியுள்ளார்.
மேலும் இலங்கையின் ஆயுதமோதல் முடிவிற்கு கொண்டுவரப்பட்டு 15 வருடங்கள் பூர்த்தியாகிய தருணத்தில் இந்த அறிக்கை வெளியாகியுள்ளது எனது தனது கடிதத்தில் தெரிவித்துள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
