வாகன இறக்குமதிக்கான அனுமதி: அமைச்சர் வெளியிட்ட தகவல்!

Ranjith Siyambalapitiya Sri Lanka Economic Crisis Ministry of Finance Sri Lanka vehicle imports sri lanka

By Eunice Ruth May 05, 2024 07:46 PM GMT

Eunice Ruth

in சமூகம்

Report

வாகன இறக்குமதி தொடர்பில் விதிக்கப்பட்டுள்ள தடை, அடுத்த ஆண்டு முழுமையாக நீக்கப்படலாமென நிதி இராஜாங்க அமைச்சர் ரஞ்சித் சியம்பலாபிட்டிய (Ranjith Siyambalapitiya) நம்பிக்கை வெளியிட்டுள்ளார்.

அதிகரிக்கும் டொலர் கையிருப்பு மற்றும் ரூபாவின் பெறுமதியை கருத்தில் கொண்டு வாகன இறக்குமதி தொடர்பான இறுதி தீர்மானம் மேற்கொள்ளப்படும் என அவர் குறிப்பிட்டுள்ளார்.

வாகன இறக்குமதி மீதான கட்டுப்பாடுகளை முறையாக நீக்குவதற்கான விரிவான ஆய்வை மேற்கொள்வதற்காக நியமிக்கப்பட்ட குழு ஏற்கனவே அதன் பரிந்துரைகளை வழங்கியுள்ளதாக அவர் கூறியுள்ளார்.

வாகன இறக்குமதி

இந்த நிலையில், தற்போது இலங்கைக்கு (Sri Lanka) வாகனங்களை இறக்குமதி செய்யும் நடவடிக்கையில் முறைகேடுகள் காணப்படுவதாக ரஞ்சித் சியம்பலாபிட்டிய சுட்டிக்காட்டியுள்ளார்.

Vehicle import sri lanka ranjith siyambalapitya

இவ்வாறான முறைகேடுகளை தவிர்க்கவும் வாகன இறக்குமதிக்கான தரங்களை மேம்படுத்துவதற்கான சட்டத்தை நிறைவேற்றவும் அரசாங்கம் திட்டமிட்டுள்ளதாக அவர் குறிப்பிட்டுள்ளார்.

இதற்கமைய, பிரச்சினைகளை நிவர்த்தி செய்ததன் பின்னர் டொலர் கையிருப்பு மற்றும் ரூபாவின் பெறுமதியை கருத்தில் கொண்டு அடுத்த ஆண்டு இலங்கைக்கு வாகனங்கள் இறக்குமதி செய்யப்படுவதற்கு அனுமதி வழங்கப்படலாமென நிதி இராஜாங்க அமைச்சர் தெரிவித்துள்ளார்.