இலங்கைக்கு எதிரான தொடரை கைப்பற்றிய இங்கிலாந்து

இங்கிலாந்து (UK), இலங்கை (Srilanka) அணிகளுக்கு இடையிலான 3 03 போட்டிகள் கொண்ட டெஸ்ட் தொடரை இங்கிலாந்து அணி 02- 0 என்ற கணக்கில் கைப்பற்றியுள்ளது.

இங்கிலாந்து, இலங்கை அணிகளுக்கு இடையிலான இரண்டாவது டெஸ்ட் போட்டி லார்ட்ஸ் மைதானத்தில் நடைபெற்றது.

நாணயசுழற்சியில் வெற்றிப்பெற்ற இலங்கை அணி களத்தடுப்பை தீர்மானித்தது.

டெஸ்ட் வரலாற்றில் பாகிஸ்தானை தோற்கடித்து வரலாற்று வெற்றியை பெற்றது பங்களாதேஷ்

இங்கிலாந்து அணி

இதற்கமைய, முதலில் களமிறங்கிய இங்கிலாந்து அணி முதல் இன்னிங்சில் 427 இலங்கை ஓட்டங்களுக்கு அனைத்து விக்கெட்டுகளையும் இழந்தது.

ஜோ ரூட் சதமடித்து 143 ஓட்டங்களில் ஆட்டமிழந்தமை தொடர்ந்து கஸ் அட்கின்சன் சதமடித்து 118 ஓட்டங்களிலும் பென் டக்கெட் 40 ஓட்டங்களிலும், ஹாரி புரூக் 33 ஓட்டங்களிலும் ஆட்டமிழந்தனர்.

இலங்கை சார்பில் அஷிதா பெர்னாண்டோ 5 விக்கெட்டும், மிலன் ரத்னாயகே, லஹிரு குமரா தலா 2 விக்கெட்டும் வீழ்த்தினர்.

பிரான்ஸில் நாளை ஆரம்பமாகவுள்ள பரா ஒலிம்பிக் போட்டிகள்

இலங்கை அணி

இதையடுத்து, இலங்கை அணி முதல் இன்னிங்சில் களமிறங்கியது.

இங்கிலாந்து வீரர்கள் துல்லியமாக பந்துவீசினர். இதனால் சீரான இடைவெளியில் இலங்கை அணியின் விக்கெட்டுகள் வீழ்ந்தன.

இறுதியில், இலங்கை அணி முதல் இன்னிங்சில் 196 ஓட்டங்களுக்கு அனைத்து விக்கெட்டுக்களையும் இழந்தது.

அந்த அணியில் அதிகபட்சமாக கமிந்து மெண்டிஸ் அரை சதமடித்து 74 ஓட்டங்கள் எடுத்தார்.

இங்கிலாந்து சார்பில் கிறிஸ் வோக்ஸ், கஸ் அட்கின்சன், ஒல்லி ஸ்டோன், மேத்யூ பாட்ஸ் ஆகியோர் தலா 2 விக்கெட் வீழ்த்தினர்.

இலங்கை - இங்கிலாந்து அணிகளுக்கிடையிலான முதலாவது டெஸ்ட் போட்டி இன்று ஆரம்பம்

2வது இன்னிங்ஸ்

இதையடுத்து, 231 ஓட்டங்கள் முன்னிலை பெற்ற இங்கிலாந்து 2வது இன்னிங்சை ஆடியது.

இறுதியில், இங்கிலாந்து அணி 2வது இன்னிங்சில் 251 ஓட்டங்களுக்கு அனைத்து விக்கெட்டுக்களையும் இழந்தது.

அந்த அணியின் ஜோ ரூட் சிறப்பாக ஆடி 34வது சதமடித்து 103 ஓட்டங்களில் ஆட்டமிழந்தார்.

இலங்கை சார்பில் அசிதா பெர்னாண்டோ, லஹிரு குமாரா தலா 3 விக்கெட்டும், ரத்னாயகே, பிரபாத் ஜெயசூர்யா தலா 2 விக்கெட்டும் வீழ்த்தினர்.

இலங்கையுடனான முதல் டெஸ்ட் : இங்கிலாந்து அணி அறிவிப்பு

இமாலய இலக்கு

இதையடுத்து, 483 ஓட்டங்கள் எடுத்தால் வெற்றி என்ற இமாலய இலக்குடன் இலங்கை அணி 2-வது இன்னிங்சில் களமிறங்கியது. தொடக்க ஆட்டக்காரர் திமுத் கருணரத்னே அரை சதமடித்து 55 ஓட்டங்களில் ஆட்டமிழந்தார்.

தினேஷ் சண்டிமால் 58 ஓட்டங்களும், தனஞ்செய டி சில்வா 50 ஓட்டங்களும் பிரியநாத் ரத்நாயகே 43 ஓட்டங்களும், ஏஞ்சலோ மேத்யூஸ் 36 ஓட்டங்களும் எடுத்தனர்.

இறுதியில், இலங்கை அணி இரண்டாவது இன்னிங்சில் 292 ஓட்டங்களுக்கு அனைத்து விக்கெட்டுக்களையும் இழந்தது.

இதன்மூலம் 190 ஓட்டங்கள் வித்தியாசத்தில் இங்கிலாந்து அபார வெற்றி பெற்றதுடன், டெஸ்ட் தொடரை 2-0 என கைப்பற்றியது.

இங்கிலாந்து சார்பில் கஸ் அட்கின்சன் 5 விக்கெட்டும், ஒல்லி ஸ்டோன் 3 விக்கெட்டும் வீழ்த்தினார்கள்.