காவல்துறையினரின் துப்பாக்கிச் சூட்டில் விமானப்படை வீரர் பலி!

Sri Lanka Police Sri Lanka Police Investigation Sri Lanka Air Force Gun Shooting

By Sathangani Apr 08, 2024 04:30 AM GMT

Sathangani

in குற்றம்

Report

பாதுக்கை - அங்கமுவ பகுதியில் காவல்துறையினருடன் இன்று (8) காலை இடம்பெற்ற துப்பாக்கிப் பிரயோகத்தில் இலங்கை விமானப்படை வீரர் ஒருவர் உயிரிழந்துள்ளார்.

காவல்துறை விசேட அதிரடிப் படையினரும் காவல்துறையினரும் இணைந்து மேற்கொண்ட நடவடிக்கையின் போது, காவல்துறை வீதித் தடைக்கு அருகில், உத்தரவை மீறிசென்ற மோட்டார் சைக்கிளை செலுத்தியவர் காவல்துறையினரை நோக்கி துப்பாக்கிச் சூடு நடத்தியதாக தெரிவிக்கப்படுகின்றது.

இதையடுத்து பதிலுக்கு காவல்துறையினர் மேற்கொண்ட துப்பாக்கிச் சூட்டில் மோட்டார் சைக்கிளில் பயணித்தவர் படுகாயமடைந்து வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

காவல்துறையினர் சந்தேகம்

குறித்த நபர் ஹொரணை - தல்கஹவில பகுதியில் நேற்று (7) மேற்கொண்ட துப்பாக்கிப் பிரயோகத்தில் இருவரை கொலை செய்தவர் என சந்தேகிப்பதாக காவல்துறையினர் தெரிவித்தனர்.

காவல்துறையினரின் துப்பாக்கிச் சூட்டில் விமானப்படை வீரர் பலி! | Sri Lanka Air Force Man Killed In Police Gun Shoot

இது குறித்து இலங்கை விமானப்படையின் ஊடகப் பணிப்பாளர் குரூப் கப்டன் துஷான் விஜேசிங்க தெரிவிக்கையில்,

இன்று காலை பாதுக்கையில், உள்ள காவல்துறை சோதனைச் சாவடிக்கு அருகில் உள்ள விமானப்படையின் ரக்பி பகுதியில் கடமையில் இணைக்கப்பட்டிருந்த விமானப்படையின் கோப்ரல் தர வீரர் காவல்துறையினரின் துப்பாக்கிச் சூட்டில் உயிரிழந்துள்ளார்.