இலங்கையில் கைது செய்யப்பட்ட நூற்றுக்கணக்கான வெளிநாட்டவர்கள்...!
இலங்கையில் தங்கியிருந்து சர்வதேச ரீதியாக இணையவழி நிதி மோசடிகளில் ஈடுபட்டு வந்த 156 வெளிநாட்டவர்கள் கைது செய்யப்பட்டுள்ளனர்.
சிலாபத்தில் வைத்து குறித்த கைது நடவடிக்கை முன்னெடுக்கப்பட்டுள்ளது.
இந்தநிலையில், குறித்த அனைவரும் சட்ட நடவடிக்கைகளின் பின்னர் அந்தந்த நாடுகளுக்கே திருப்பி அனுப்பப்படுவார்கள் எனப் பொதுமக்கள் பாதுகாப்பு அமைச்சு தெரிவித்துள்ளது.
சீன நாட்டவர்கள்
சம்பவம் தொடர்பில் மேலும் தெரியவருகையில், கடந்த வெள்ளிக்கிழமை (03) சிலாபம் பகுதியில் உள்ள விடுதி ஒன்றில் வைத்து இந்த 156 பேர் கைது செய்யப்பட்டனர்.
இவர்களில் பெரும்பாலானோர் சீன நாட்டவர்கள் எனக் காவல்துறையினர் தெரிவித்துள்ளனர்.
குறித்த விடுதியை இரண்டு மாதங்களுக்கு முன்னர் வாடகைக்கு எடுத்த இந்தக் கும்பல், அங்கிருந்து ஏராளமான கணினிகள் மற்றும் நவீன உபகரணங்களைப் பயன்படுத்தி மோசடிகளில் ஈடுபட்டு வந்துள்ளது.
சந்தேகநபர்களிடமிருந்து கைப்பற்றப்பட்ட கணினிகள் மற்றும் ஏனைய உபகரணங்கள் மேலதிக விசாரணைகளுக்காகக் குற்றப்புலனாய்வுத் திணைக்களத்திடம் ஒப்படைக்கப்பட்டுள்ளன.
இது குறித்துப் பொதுமக்கள் பாதுகாப்பு மற்றும் நாடாளுமன்ற விவகார அமைச்சர் ஆனந்த விஜேபால கருத்துத் தெரிவித்துள்ளார்.
நுணுக்கமான முறை
இது தொடர்பாக மேலும் தெரிவித்த அவர் “கைது செய்யப்பட்டவர்கள் இலங்கையர்களை விடவும் தத்தமது சொந்த நாட்டு மக்களையும் அவர்களின் நிதி ஆதாரங்களையுமே இலக்கு வைத்துள்ளனர்.
சீனா, தாய்வான் மற்றும் வியட்நாம் ஆகிய நாடுகளைச் சேர்ந்தவர்கள் இதில் அடங்குகின்றனர்.
இவர்களைத் தத்தமது நாடுகளுக்கு நாடுகடத்துமாறு அந்தந்த நாடுகளின் அரசாங்கங்கள் கோரிக்கை விடுத்துள்ளன.
வேட்டைகள் அதிகரிக்கப்பட்டுள்ளன, இதன் மூலம் இலங்கை சர்வதேச சைபர் குற்றங்களின் மையமாக மாறுவது தடுக்கப்பட்டுள்ளது” எனத் தெரிவித்துள்ளார்.
கைது செய்யப்பட்டவர்கள் மிகவும் நுணுக்கமான முறையில் என்க்ரிப்ட் (Encrypt) செய்யப்பட்ட தொடர்பாடல்கள், டிஜிட்டல் பணப்பரிமாற்ற முறைகள் மற்றும் சமூக வலைத்தளங்களைப் பயன்படுத்தி மக்களை ஏமாற்றிப் பணத்தைப் பெற்று வந்துள்ளமை விசாரணைகளில் தெரியவந்துள்ளது.
இலங்கையில் இவர்களுக்கு உதவிய உள்ளூர் நபர்கள் மற்றும் இவர்களின் நிதி வழிகள் குறித்தும் சர்வதேச நாடுகளுடன் இணைந்து மேலதிக விசாரணைகள் முன்னெடுக்கப்பட்டு வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
செம்பியன்பற்று, கொழும்பு, திருச்சி, India, London, United Kingdom
24 Mar, 2026
