புனித இடங்களாக அறிவிக்கப்படவுள்ள மத வழிபாட்டுத் தலங்கள்! வெளியானது அறிவிப்பு
இலங்கையில் (Sri Lanka) உள்ள மேலும் 20 மத வழிபாட்டுத் தலங்களை புனித இடங்களாக அறிவிக்கும் வர்த்தமானி விரைவில் வெளியிடப்படும் என தெரிவிக்கப்பட்டுள்ளது.
இதுவரை 9 மத வழிபாட்டுத் தலங்கள், புனித இடங்களாக வர்த்தமானியில் வெளியிடப்பட்டுள்ள நிலையிலேயே, குறித்த நடவடிக்கை மேற்கொள்ளடுமென தேசிய பௌதீக திட்டமிடல் திணைக்களம் தெரிவித்துள்ளது.
இலங்கையில் தேசிய வெசாக் விழாவை மே 21 ஆம் திகதி முதல் மே 27 ஆம் திகதி வரை மாத்தளையில் நடத்த அரசாங்கம் திட்டமிட்டுள்ளது.
வெசாக் விழா
அதிபர் ரணில் விக்ரமசிங்க (Ranil Wickremesinghe) தலைமையில் இந்த வெசாக் பண்டிகையின் அங்குரார்ப்பணம் நடைபெறவுள்ளது.
இதன் போது, மாத்தளை க்ஷேத்ராராம ரஜமஹா விகாரையை புனித பிரதேசமாக அபிவிருத்தி செய்வதற்கான உத்தியோகபூர்வ ஆவணங்கள் ரணில் விக்ரமசிங்கவினால் விகாரை அதிகாரிகளிடம் கையளிக்கப்படவுள்ளன.
ஹம்பாந்தோட்டை ஹேனகடுவ ரஜமஹா விகாரை மற்றும் குருநாகல் கொன்னாவ ஸ்ரீ விஷ்ணு தேவாலயம் தொடர்பான அறிவிப்புகள் நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்கவின் கையொப்பத்திற்காக அனுப்பி வைக்கப்பட்டுள்ளதாக தேசிய பௌதீக திட்டமிடல் திணைக்களம் தெரிவித்துள்ளது.
புனித இடங்கள்
இந்த நிலையில், 20 மத வழிபாட்டுத் தலங்களை மூன்று நிபந்தனைகளின் கீழ் புனித இடங்களாக பிரகடனம் செய்ய நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.
இலங்கையில் இதுவரை 130 வழிபாட்டுத் தலங்கள் புனிதப் பகுதிகளாக வர்த்தமானியில் அறிவிக்கப்பட்டுள்ளன.
கடந்த 1961 ஆம் ஆண்டு ஒக்டோபர் மாதம் 16 ஆம் திகதி கதிர்காமம் இலங்கையின் முதலாவது புனிதப் பிரதேசமாக அறிவிக்கப்பட்டதுடன், தற்போது மாத்தளை க்ஷேத்ராராம ரஜமஹா விகாரை இலங்கையின் 130 ஆவது புனிதப் பிரதேசமாக வர்த்தமானியில் பிரகடனப்படுத்தப்படவுள்ளது.
அத்துடன், ஹம்பாந்தோட்டையில் உள்ள உத்தகந்தர ரஜமஹா விகாரை, குருநாகல் தம்பதெனிய ரஜமஹா விகாரை, மொனராகலை கொட்டாசர பியாங்கல ரஜமஹா விகாரை, உள்ளிட்ட 20 மத வழிபாட்டுத் தலங்களும் புனித இடங்களாக பெயரிடப்படவுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
கொழும்பு, நியூ யோர்க், United States, Montreal, Canada, Toronto, Canada
02 Jan, 2026
யாழ்ப்பாணம், இலங்கை, Toronto, Canada, Fairfield, United States, Rochester, United States, Annandale, United States
01 Jan, 2026
கரவெட்டி மேற்கு, டென்மார்க், Denmark, Milton Keynes, United Kingdom
10 Jan, 2021
Klang, Malaysia, யாழ்ப்பாணம், கலிஃபோர்னியா, United States
08 Jan, 2022