நாட்டில் அராஜக சூழல் ஏற்பட்டதற்கு இவர்களே காரணம் - ஐ.நாவின் கழுகுப் பார்வைக்குள் சிக்கிய ராஜபக்சக்கள்!

Human Rights Council United Nations Geneva Sri Lanka OHCHR

By Kalaimathy Sep 13, 2022 04:55 AM GMT

Kalaimathy

in அரசியல்

Report

ஐ.நா மனித உரிமை பேரவையில் நேற்று ஆரம்பித்த 51ஆவது மனித உரிமைகள் கூட்டத்தொடரில் சிறிலங்காவின் முன்னாள் தலைவர்கள் மீது கடுமையான குற்றச்சாட்டுக்கள் முன்வைக்கப்பட்டுள்ளன.

இவ்வாறான நிலையில், மனித உரிமைகள் கூட்டத்தொடரில் ஒரு நாட்டின் முன்னாள் தலைவர்கள் மீது பொருளாதார குற்றங்கள் சுமத்தப்படுவது இதுவே முதல் முறையாகும் எனவும் தெரிவிக்கப்பட்டுள்ளது.

51-5 அறிக்கையின்படி இந்த குற்றச்சாட்டுகள் முன்வைக்கப்பட்டுள்ளதாகவும் தகவல்கள் வெளியாகியுள்ளன.

இது தொடர்பில் மேலும் தெரியவருகையில்,

இலங்கையில் பொருளாதார குற்றங்கள் புரிந்ததாக முன்னாள் அதிபர் கோட்டாபய ராஜபக்ச, முன்னாள் பிரதமர் மகிந்த ராஜபக்ச மற்றும் முன்னாள் அமைச்சர் பசில் ராஜபக்ச ஆகியோர் மீது ஜெனீவா மனித உரிமைகள் பேரவை குற்றம் சுமத்தியுள்ளது.

ராஜபக்சக்களுக்கு எதிராக ஐ.நாவில் பாரிய குற்றச்சாட்டு

நாட்டில் அராஜக சூழல் ஏற்பட்டதற்கு இவர்களே காரணம் - ஐ.நாவின் கழுகுப் பார்வைக்குள் சிக்கிய ராஜபக்சக்கள்! | Sri Lanka Economic United Nation Rajabaksha Geneva

சிறிலங்கா தொடர்பாக தயாரிக்கப்பட்ட 36 பக்க அறிக்கை நேற்று மனித உரிமைகள் கூட்டத்தொடரில் சமர்ப்பிக்கப்பட்டது. அந்த அறிக்கையிலேயே இந்த மூவருக்கும் எதிராக குற்றச்சாட்டுகள் முன்வைக்கப்பட்டுள்ளதாக கூறப்படுகின்றது.

மேலும் பிரான்சில் இருந்து ஐஸ்கிரீம் மற்றும் அவுஸ்திரேலியாவில் இருந்து கேக்குகளை இலங்கைக்கு இறக்குமதி செய்ய சிறிலங்கா அரசாங்கம் நடவடிக்கை எடுத்துள்ளதாகவும் அந்த முறைப்பாடுகளில் குறிப்பிடப்பட்டுள்ளது.

மனித உரிமைகள் ஆணையாளரிடம் இலங்கையர்கள் முறைப்பாடு

இவ்வாறான நிலையில், இலங்கை மக்கள் கடுமையான பொருளாதாரப் பிரச்சினைகளை எதிர்நோக்கிய போது, இந்த மூவரும் உரிய நடவடிக்கை எடுக்காததால், நாட்டில் அராஜகச் சூழல் ஏற்பட்டு விலைவாசி உயர்வடைந்துள்ளதாக, மனித உரிமைகள் ஆணையாளரிடம் பெருமளவான இலங்கையர்கள் முறைப்பாடு செய்துள்ளனர் எனவும் தகவல் வெளியாகியுள்ளமையும் குறிப்பிடத்தக்கது.