எரிபொருள் நிரப்பு நிலையங்களில் தொடரும் முப்படையினரின் அராஜகம் - தாக்கப்பட்ட சாரதி!

Sri Lanka Police Sri Lanka Sri Lanka Navy Sri Lanka Fuel Crisis

By Kalaimathy Jul 05, 2022 07:05 AM GMT

Kalaimathy

in சமூகம்

Report

எரிபொருள் வரிசையில் இருந்த தனியார் பேருந்து சாரதி ஒருவரை, கடற்படை அதிகாரி தாக்கியதில், சாரதி காயமடைந்து கராப்பிட்டிய வைத்தியசாலையில் அனுமதிக்கப்பட்டுள்ளார்.

காலி தெவட்ட பகுதியில் உள்ள எரிபொருள் நிரப்பும் நிலையத்தில் வரிசையில் இருந்த போது இந்த தாக்குதல் நடந்ததாக சாரதி முறைப்பாடு செய்துள்ளார் என காலி காவல்துறை அத்தியட்சகரின் அலுவலக செய்தி வெளியாகியுள்ளது.

பேருந்துக்கு டீசலை பெற்றுக்கொள்ள வரிசையில் இருந்த போது எரிபொருள் நிரப்பும் நிலையத்தில் இருந்து கடற்படை அதிகாரி ஒருவர், வந்து எரிபொருள் வழங்கப்பட மாட்டாது எனவும் முன் அனுமதி அட்டைகளுக்கு மாத்திரமே எரிபொருள் வழங்கப்படும் என தெரிவித்துள்ளார்.

எரிபொருள் பெறச்செல்வோர் மீது தாக்குதல்

எரிபொருள் நிரப்பு நிலையங்களில் தொடரும் முப்படையினரின் அராஜகம் - தாக்கப்பட்ட சாரதி! | Sri Lanka Fuel Navy Attack Driver Police Colombo

எனினும் பேருந்துக்கு எரிபொருளை பெற்றுக்கொள்ள தான் வரிசையில் இருந்தாக கூறிய போது கடற்படை அதிகாரி, பேருந்து கதவை திறந்து தாக்கியதாகவும் மேலும் சில கடற்படையினர் துப்பாக்கிகளை எடுத்துக்கொண்டு தாக்க வந்தாகவும் சாரதி கூறியுள்ளார்.

தாக்குதலில் ஏற்பட்ட வலி மற்றும் அச்சம் காரணமாக பேருந்தை எடுத்துக்கொண்டு அந்த இடத்தில் இருந்து புறப்பட்டு சென்றதாக தனது முறைப்பாட்டில் தெரிவித்துள்ளார்.