மத்திய கிழக்கு மோதல்! இலங்கையின் எரிபொருள் விநியோகம் தொடர்பில் வெளியான தகவல்

மத்திய கிழக்கில் நிலவும் போர் சூழல் காரணமாக நாட்டில் எரிபொருள் தட்டுப்பாடு ஏற்படாது என இலங்கை எரிபொருள் கூட்டுத்தாபனத்தின் தலைவர் டி.ஜே. ராஜகருணா அறிவித்துள்ளார்.

மத்திய கிழக்கில் போர் பதற்றம் உருவாகியுள்ள நிலையில், நாட்டின் சில பகுதிகளில் பொதுமக்கள் எரிபொருள் நிலையங்களைக்கு விரைந்துள்ளனர்.

இந்த நிலையில், இது தொடபாக கருத்து வெளியிட்டுள்ள எரிபொருள் கூட்டுத்தாபனத்தின் தலைவர், இலங்கைக்கான பெற்றோல் மற்றும் டீசல் இறக்குமதி மத்திய கிழக்கு நாடுகளில் இருந்து மேற்கொள்ளப்படுவதில்லை என தெரிவித்துள்ளார்.

ஈரானுக்கு பேரிடி! இஸ்ரேல் தாக்குதல்களில் சரிந்தார் புரட்சிகரக் காவல்படை தளபதி

கையிருப்பில் உள்ள எரிபொருள்

எனவே எரிபொருள் விநியோகத்தில் எவ்வித சிக்கலும் இல்லை எனவும் மக்கள் மக்கள் தேவையற்ற அச்சம் கொள்ள வேண்டாம் எனவும் அவர் கேட்டுக் கொண்டுள்ளார்.

அத்தோடு, 37 நாட்களுக்கு தேவையான பெட்றோலும், 35 நாட்களுக்கு தேவையான டீசலும் கையிருப்பில் உள்ளதுடன் 47 நாட்களுக்கு தேவையான விமான எரிபொருளும் கையிருப்பில் உள்ளதாக அவர் குறிப்பிட்டுள்ளார்.

மேலதிகமாக எந்தவொரு கப்பலும் வராவிட்டாலும் கூட, எம்மால் இந்தக் குறிப்பிட்ட நாட்களுக்கு எவ்வித இடையூறுமின்றி எரிபொருளை விநியோகிக்க முடியும் என ராஜகருணா கூறியுள்ளார்.

மேலும், கப்பல் கட்டணம் மற்றும் தூரம் அதிகமாக இருப்பதால் நாம் இந்தியா, சிங்கப்பூர், மலேசியா மற்றும் கொரியா ஆகிய நாடுகளில் இருந்தே இவற்றை இறக்குமதி செய்கிறோம் என்றும் அவர் தெரிவித்துள்ளார்.

வரிசையில் மக்கள் 

எவ்வாறாயினும், மசகு எண்ணெய் இறக்குமதியில் மட்டுமே பாதிப்பு ஏற்பட வாய்ப்புள்ளதாகவும், எனினும் கையிருப்பில் இருக்கும் அளவு ஒரு மாதத்திற்குப் போதுமானதாகும் என்றும் எரிபொருள் கூட்டுத்தாபனத்தின் தலைவர் சுட்டிக்காட்டியுள்ளார்.

இவ்வாறானதொரு பின்னணியில், யாழ்ப்பாணத்தில் உள்ள எரிபொருள் நிரப்பு நிலையங்களில் எரிபொருளுக்கு வரிசை காணப்படுவதாக தெரிவிக்கப்படுகிறது.

யாழ்ப்பாணம் - சித்தங்கேணி பகுதியில் உள்ள எரிபொருள் நிரப்பு நிலையத்தில், எரிபொருளை கொள்வனவு செய்வதற்கு மக்கள் வரிசையில் நிற்பதை அவதானிக்க கூடியதாக உள்ளது.

இதேவேளை, யாழ்ப்பாணம் வடமராட்சியில் குஞ்சர் கடை, நெல்லியடி மந்திகை, கிராமக்கோடு பருத்தித்துறை ஆகிய எரிபொருள் நிரப்பும் நிலையங்களிலும் மிக நீண்ட வரிசையில் எரிபொருள் நிரப்புவதற்காக மக்கள் காத்திருக்கின்றனர். 

கமேனியின் அலுவலகத்தை தகர்த்தது இஸ்ரேல்! ஈரான் ஜனாதிபதியின் நிலைமை கேள்விக்குறி

மத்திய கிழக்கு நாடுகளின் வான்பரப்பு மூடல் : சிறிலங்கன் விமான சேவைக்கும் சிக்கல்