வெளிநாடுகளிடம் கையேந்தும் நிலைக்குள் இலங்கை - அநுர குமார திஸாநாயக்க
ராஜபக்சர்கள் சகலவற்றிற்கும் வெளிநாடுகளிடம் கையேந்தும் நிலைக்குள் இலங்கையை தள்ளியுள்ளதாக மக்கள் விடுதலை முன்னணியின் தலைவர் அநுர குமார திஸாநாயக்க (Anura Kumara Dissanayaka) சுட்டிக்காட்டியுள்ளார்.
சீரழிந்த தாயகத்தை கட்டியெழுப்புகின்ற தீர்வு நிகழ்ச்சி திட்டத்திற்கமைய சாய்ந்தமருதில் நடைபெற்ற பொதுக் கூட்டத்தில் கலந்து கொண்டு உரையாற்றும் போதே இதனை அவர் குறிப்பிட்டிருந்தார்.
இதன்போது மேலும் உரையாற்றிய அவர்,
''நாட்டை ஆட்சி செய்த இரண்டு கட்சிகளும் இலங்கையை நாசமாக்கியுள்ளனர். இதனால் மக்கள் இன்று சந்தோசமாக இல்லை.
விவசாயிகளுக்கு உரமில்லை. மீனவர்களுக்கு எரிபொருள் இல்லை. வியாபாரிகளுக்கு விற்பனைக்கு பொருட்கள் இல்லை.
ஆட்சியாளர்களும் அவர்களது நண்பர்களுமே இன்று சந்தோசமாக இருக்கிறார்கள். இதனை மாற்றியமைக்க வேண்டும். ஆகவே மாற்றத்தினை ஏற்படுத்துவதற்கு சகல தரப்பினரும் எம்முடன் ஒன்றிணைய வேண்டும்.
ஆட்சியாளர்கள் சிங்களவர்களுக்கும் முஸ்லிம்களுக்கும் இடையில் முரண்பாடுகளை உருவாக்குவதற்கு இனவாத குழுக்களை உருவாக்கி அவர்களுக்கு பண உதவிகளை வழங்கியுள்ளனர்.
நாட்டு மக்களை குழப்பி அதன் ஊடாக தமது ஆட்சியினைக் கொண்டு செல்வதே இவர்களின் நோக்கம்.
இன்று வெளிநாடுகளிடம் கடன் கேட்கிறார்கள். இறக்குமதி செய்வதற்கு பணம் இல்லாத காரணத்தினால் சந்தையில் சகல பொருட்களுக்கும் தட்டுப்பாடு நிலவுகின்றது.
நாட்டில் ஏற்பட்டுள்ள நெருக்கடி காரணமாக பெற்றோர் தமது பிள்ளைகளை வெளிநாடுகளுக்கு அனுப்புவதற்கு முயன்றுவருகின்றனர். இலங்கையின் எதிர்காலம் குறித்து மக்களுக்கு நம்பிக்கை இல்லாது போயுள்ளது” என்றார்.
சுழிபுரம் மேற்கு, London, United Kingdom
21 Apr, 2024
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
