இலங்கை கடற்படையின் அதிரடி நடவடிக்கை; தமிழர் பகுதியில் 20 பேர் கைது!
சட்ட விரோதமான முறையில் படகு மூலம் வெளிநாடு செல்ல முற்பட்ட இலங்கையர்கள் 20 பேர் கைது செய்யப்பட்டுள்ளனர்.
திருகோணமலை – சம்பூர், கொக்கட்டி கடற்பகுதியில் வைத்தே இவர்கள் கைது செய்யப்பட்டுள்ளனர்.
இன்று(5) அதிகாலை இலங்கை கடற்படையினரால் மேற்கொள்ளப்பட்ட விசேட சுற்றி வளைப்பின் போதே இவர்கள் கைது செய்யப்பட்டுள்ளனர்.
சுற்றிவளைப்பு
இந்த நடவடிக்கையின் போது, குறித்த 20 பேரையும் ஏற்றிச் சென்ற உள்ளூர் மீன்பிடி இழுவை படகும் இலங்கை கடற்படையினரால் கைப்பற்றப்பட்டுள்ளது.
கடல் வழிகள் ஊடாக மேற்கொள்ளப்படும் சட்டவிரோத குடியேற்ற முயற்சிகளை தடுக்கும் பொருட்டு கடற்படையினரால் மேற்கொள்ளப்பட்ட கடல் மற்றும் கரையோர ரோந்து மற்றும் தேடுதல் நடவடிக்கையின் போதே குறித்த கைது இடம்பெற்றுள்ளது .
இதன்படி, தீவில் இருந்து சட்டவிரோதமாக குடியேற முயற்சித்ததாக சந்தேகிக்கப்படும் 20 பேரை ஏற்றிச் சென்ற மீன்பிடி இழுவை படகு கடற்படையினரால் பிடிக்கப்பட்டது.
படகில் பயணித்தவர்கள்
இந்த கடத்தலில் ஈடுபட்ட 6 பேர் உட்பட16 ஆண்களும், 18 வயதுக்கு மேற்பட்ட 01 பெண் மற்றும் 18 வயதுக்குட்பட்ட 03 பேர் அடங்குவர்.
கைது செய்யப்பட்டவர்கள் களுவாஞ்சிகுடி, மட்டக்களப்பு, மூதூர், யாழ்ப்பாணம் மற்றும் நீர்கொழும்பு பிரதேசங்களைச் சேர்ந்தவர்களாவர்.
இவர்கள் அனைவரும் மேலதிக விசாரணைகளுக்காக திருகோணமலை துறைமுக காவல்துறையினரிடம் ஒப்படைக்கப்பட்டுள்ளனர்.
கடற்படையினர் எச்சரிக்கை
இதேவேளை, பாதுகாப்பற்ற கப்பல்களை பயன்படுத்தி சட்டவிரோத குடியேற்ற முயற்சிகளை மேற்கொள்வதன் மூலம் பொதுமக்களின் உயிருக்கு பாரிய ஆபத்து ஏற்படும் என கடற்படையினர் எச்சரிக்கை விடுத்துள்ளனர்.
இவ்வாறான கடற்பயணங்களில் ஈடுபட வேண்டாம் எனவும் பொதுமக்களை கேட்டுக்கொண்டுள்ளனர்.
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
வண்ணார்பண்ணை, Kachcheri, மானிப்பாய், சென்னை, India, Brampton, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
