செங்கடலுக்கு செல்ல தயார் நிலையில் சிறிலங்கா கடற்படை கப்பல்கள்
செங்கடலில் ஹவுதி போராளிகளால் மேற்கொள்ளப்பட்டு வரும் பயங்கரவாத நடவடிக்கைகளை முறியடிக்கும் நடவடிக்கைகளுக்காக சிறிலங்கா கடற்படையின் விஜயபாகு - கஜபாகு கடற்படைக் கப்பல்கள் தயார் நிலையில் வைக்கப்பட்டுள்ளன.
இந்தக் கப்பல்கள் புறப்படும் திகதி இன்னும் வெளியிடப்படவில்லை. மேலும், இந்த ஒரு கப்பலில் கிட்டத்தட்ட நூறு மாலுமிகள் பணிபுரிகின்றனர்.
மேலும், இந்த கப்பல்களில் ஹெலிகொப்டர் தரையிறங்கும் வசதியும் உள்ளது.
ரணில் வெளியிட்ட அறிவிப்பு
கொழும்பில் உள்ள சிறிமாவோ பண்டாரநாயக்க ஞாபகார்த்த கண்காட்சி நிலையத்தில் நடைபெற்ற "ஷில்பா அபிமானி 2023" அதிபர் கைவினைப் பொருட்கள் விருது வழங்கும் நிகழ்வில் கலந்துகொண்ட அதிபர் ரணில் விக்ரமசிங்க ,அண்மையில் சிறிலங்கா கடற்படையின் போர்க்கப்பல் ஒன்று செங்கடலுக்கு அனுப்பப்படும் என அறிவித்திருந்தார். அங்கு அவர் கூறியதாவது:
"உக்ரைனில் போர் உள்ளது, மேலும் காசாவில் அதிக போர்கள் உள்ளன. அதனால், பொருட்களின் விலை அதிகரிக்கலாம். இப்போது, உண்மையில், ஹவுதிகள் செங்கடலில் உள்ள கப்பல்களை நோக்கி ஏவுகணைகளை வீசுவதால் கப்பல் போக்குவரத்து நிறுத்தப்பட்டுள்ளது. இந்தக் கப்பல்கள் செங்கடலில் இருந்து வராமல் தென்னாபிரிக்காவைச் சுற்றி வந்தால் பொருட்களின் விலை அதிகரிக்கும்.
செங்கடலை பாதுகாக்க
எனவே, ஹவுதிகளின் திட்டத்தில் இருந்து செங்கடலை பாதுகாக்க சிறிலங்கா கடற்படை கப்பலை செங்கடல் பகுதிக்கு அனுப்பவும் ஒப்புக்கொண்டுள்ளோம்.
இவ்வாறான கப்பலை இரண்டு வாரங்களுக்கு வைத்திருக்க 250 மில்லியன் ரூபா செலவாகும். நாங்கள் கடினமான இடங்களில் இருக்கிறோம். இது பாதுகாக்கப்பட வேண்டும்” என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
பருத்தித்துறை, London, United Kingdom
19 Oct, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
