காவல்துறையினருக்கு எதிராக மனுத்தாக்கல்! ஐ.ம.ச நடவடிக்கை

Sri Lanka Police SJB R M Ranjith Madduma Bandara Supreme Court of Sri Lanka Mujibur Rahman

By Eunice Ruth Mar 01, 2024 04:11 PM GMT

Eunice Ruth

in சமூகம்

Report

சிறிலங்கா காவல்துறையினருக்கு எதிராக உயர் நீதிமன்றத்தில் அடிப்படை உரிமை மீறல் மனுவொன்று தாக்கல் செய்யப்பட்டுள்ளது.

தமது அடிப்படை உரிமைகளை மீறியுள்ளதாக தெரிவித்து ஐக்கிய மக்கள் சக்தியின் பொதுச் செயலாளர் ரஞ்சித் மத்தும பண்டார மற்றும் முன்னாள் நாடளுமன்ற உறுப்பினர் மொஹமட் முஜிபுர் ரஹ்மான் ஆகியோர் இந்த மனுவை தாக்கல் செய்துள்ளனர்.

அரசாங்கத்தின் பெறுமதி சேர் வரி அறவீடு உள்ளிட்ட செயற்பாடுகளுக்கு எதிராக ஐக்கிய மக்கள் சக்தியினால் அமைதி வழியில் நடத்திய எதிர்ப்பு ஆர்ப்பாட்டத்தின் மீது கண்ணீர்புகை மற்றும் நீர்த்தாரை பிரயோகங்கள் மேற்கொள்ளப்பட்டமைக்காக குறித்த அடிப்படை உரிமை மீறல் மனு தாக்கல் செய்யப்பட்டுள்ளது.

காவல்துறையினரின் செயற்பாடுகள்

இந்த ஆர்ப்பாட்டத்தின் போது, காவல்துறையினரின் கண்மூடித்தனமான செயற்பாடுகளினால் பலர் காயமடைந்து வைத்தியசாலையில் அனுமதிக்கப்பட்டதாக மனுதாரர்கள் சுட்டிக்காட்டியுள்ளனர்.

காவல்துறையினருக்கு எதிராக மனுத்தாக்கல்! ஐ.ம.ச நடவடிக்கை | Sri Lanka Police Human Rights Violation Petition

சட்டத்தரணி சம்பத் விஜேவர்தன ஊடாக மனுதாரர்கள் குறித்த வழக்கை நீதிமன்றத்தில் தாக்கல் செய்துள்ளனர்.

பிரதிவாதிகள்

புறக்கோட்டை, குருந்துவத்த மற்றும் கொள்ளுப்பிடிய காவல் நிலையங்களின் பொறுப்பதிகாரிகள், காவல்துறை விசேட அதிரடிப்படைக்குப் பொறுப்பான சிரேஷ்ட பிரதி காவல்துறை மா அதிபர்,கொழும்பு பிரதேசத்துக்குப் பொறுப்பான பிரதி காவல்துறை மா அதிபர், காவல்துறை மா அதிபர் மற்றும் சட்டமா அதிபர் ஆகியோர் இந்த மனுவின் பிரதிவாதிகளாக பெயரிடப்பட்டுள்ளனர்.