ஜனாதிபதி தேர்தல் திகதி தொடர்பில் முக்கிய அறிவிப்பு

Election Commission of Sri Lanka Sri Lanka Sri Lanka Presidential Election 2024

By Shadhu Shanker Jul 23, 2024 01:21 AM GMT

Shadhu Shanker

in அரசியல்

Report

இலங்கை ஜனாதிபதி தேர்தல் செப்டெம்பர் 21 அல்லது 28 ஆம் திகதி இடம்பெறும் எனத் தேர்தல் ஆணைக்குழுவின் உள்ளக தகவல் வட்டாரங்கள் தெரிவிக்கின்றன.

ஜனாதிபதி தேர்தல் திகதியை தேர்தல்கள் ஆணைக்குழு இந்த வாரம் அறிவிக்கவுள்ளதாக தகவல் வெளியாகியிருந்த நிலையில்,செப்டெம்பர் 21 அல்லது 28ஆம் திகதி தேர்தல் நடைபெறும் என கூறப்படுகின்றது.

2024 ஆம் ஆண்டு ஜனாதிபதித் தேர்தல் இவ்வருடம் செப்டம்பர் 16 முதல் ஒக்டோபர் 15 ஆம் திகதிக்கு இடையில் நடத்தப்பட வேண்டும் அரசியலமைப்பில் குறிப்பிடப்பட்டுள்ளது. இதற்கமையவே குறித்த அறிவித்தல் வெளியாகியுள்ளது.

தேர்தல் திகதி

தேர்தலுக்கான திகதி அறிவிக்கப்பட்ட நாளில் இருந்து 16 முதல் 21 நாட்களுக்குள் வேட்புமனுக்கள் ஏற்றுக்கொள்ளப்படும்.

ஜனாதிபதி தேர்தல் திகதி தொடர்பில் முக்கிய அறிவிப்பு | Sri Lanka President Election 2024 Date

பின்னர் ஜனாதிபதி தேர்தல் வேட்புமனுக்கள் ஏற்றுக்கொள்ளப்பட்ட நாளிலிருந்து 28 முதல் 42 நாட்களுக்குள் ஜனாதிபதி தேர்தல் நடத்தப்பட வேண்டும்.

ஜனாதிபதி தேர்தல் கட்டாயமாக சனிக்கிழமை நாளொன்றில் நடத்தப்படும் எனவும், அதற்கமைய ஜனாதிபதித் தேர்தல் எதிர்வரும் செப்டெம்பர் மாதம் 21ஆம் திகதி அல்லது 28ஆம் திகதி நடைபெறும் எனவும் தெரிவிக்கப்படுகிறது.

இதேவேளை, ஜனாதிபதி தேர்தல் திகதி அறிவிக்கப்பட்டவுடன் அது தொடர்பான தபால் நடவடிக்கைகளை ஆரம்பிக்க தயாராக இருப்பதாக தபால் திணைக்களம் தெரிவித்துள்ளமை குறிப்பிடத்தக்கது.