தமிழர்களின் ஒற்றுமையை பறைசாற்றிய அரியநேத்திரனின் வெற்றி : செல்வம் அடைக்கலநாதன் மகிழ்ச்சி

P Ariyanethran Selvam Adaikalanathan Sri Lanka Presidential Election 2024

By Sumithiran Sep 22, 2024 06:34 AM GMT

Sumithiran

in அரசியல்

Report

அரியநேந்திரன் பெற்ற வாக்குகள் தமிழர்களின் ஒற்றுமையை பறைசாற்றும் வெற்றி என்பதோடு நாடாளுமன்ற தேர்தலிலும் பொது கட்டமைப்பினூடாக களமிறங்குவோம் என நாடாளுமன்ற உறுப்பினர் செல்வம் அடைக்கலநாதன் தெரிவித்தார்.

தேர்தல் முடிவுகள் தொடர்பில் அவரிடம் கேட்டபோதே அவர் இவ்வாறு தெரிவித்தார். தொடர்ந்தும் கருத்து தெரிவித்த அவர்,

ஓரணியில் திரண்ட தமிழ் மக்கள்

ஜனாதிபதி தேர்தலில் தமிழ் மக்களின் திரட்சியையும் ஓர் அணியில் தமிழ் மக்கள் திரள வேண்டும் என்கின்ற ஒரு நற்செய்தியையும் வெளிப்படுத்துவதற்கான ஒரு பலப்பரீட்சை எமது தேசத்தில் இடம்பெற்றது.

தமிழர்களின் ஒற்றுமையை பறைசாற்றிய அரியநேத்திரனின் வெற்றி : செல்வம் அடைக்கலநாதன் மகிழ்ச்சி | Sri Lanka Presidental Election Ariyanethran

இதற்கு தமிழ் மக்கள் தங்களது ஆதரவை தெரிவித்திருக்கின்றார்கள். அவருக்கு கிடைத்த ஒரு லட்சத்து 80 ஆயிரம் வாக்குகள் என்பது வெற்றியின் முதற்படியாகவே கருதுகிறோம்.

பொதுக் கட்டமைப்பின் ஊடாகவே நாடாளுமன்ற தேர்தல்

எதிர்வரும் நாடாளுமன்றத் தேர்தலிலும் இந்த பொதுக் கட்டமைப்பின் ஊடாகவே நாம் தேர்தலை சந்திப்போம். இது மக்களின் ஒரு திரட்சியான வெளிப்பாடாக இருக்கும் என்பதோடு ஒற்றுமையை விரும்பாத கட்சிகளை மக்கள் புறக்கணிப்பார்கள் என்பதையும் நாடாளுமன்றத் தேர்தல் வெளிப்படுத்தும் எனவும் தெரிவித்தார்.