தனியார் மயப்படுத்தப்படும் அரச நிறுவனங்கள் : மொட்டு கட்சியின் அதிரடி அறிவிப்பு!
இலங்கையில் உள்ள அரச நிறுவனங்களை தனியார் மயப்படுத்தும் அரசாங்கத்தின் நடவடிக்கையை எதிர்ப்பதாக சிறிலங்கா பொதுஜன பெரமுனவின் நாடாளுமன்ற உறுப்பினர் நாமல் ராஜபக்ச தெரிவித்துள்ளார்.
கட்சி அலுவலகத்தில் தொழிற்சங்க உறுப்பினர்களுடன் இடம்பெற்ற சந்திப்பின் பின்னர் ஊடகங்களுக்கு கருக்கும் போதே, நாமல் ராஜபக்ச இதனை தெரிவித்துள்ளார்.
அத்துடன், தான் தனியார்மயப்படுத்தலை மாத்திரம் எதிர்ப்பதாகவும், இலங்கைக்கான முதலீடுகளை எதிர்ப்பதில்லை எனவும் அவர் கூறியுள்ளார்.
அரச எதிர்ப்பு
இது தொடர்பில் மேலும் தெரிவித்த அவர், “இலங்கையிலுள்ள அரச நிறுவனங்களை நேர்மையற்ற வழிகளில் தனியார்மயப்படுத்தும் அரசாங்கத்தின் நடவடிக்கைகளை நாம் ஒருபோதும் ஆதரிக்க மாட்டோம்.
நான் உள்ளிட்ட எனது கட்சியின் 144 உறுப்பினர்கள் மக்கள் ஆணையுடன் நாடாளுமன்றுக்குள் வந்ததோம்.
அவர்களுக்காக நாம் சரிவர செயல்படுவோம். இதற்கமைய, எமது நிலைப்பாட்டை நாம் தெளிவாக கூற வேண்டும்.
தனியார்மயப்படுத்தல்
சரியான ஆலோசனைகள் பெற்றுக் கொள்ளப்படாமல் அரச நிறுவனங்களை தனியார் மயப்படுத்த அனுமதிக்க முடியாது.
அரச நிறுவனங்களை தனியார் மயப்படுத்த அரசாங்கம் நடவடிக்கை எடுப்பதற்கான காரணம் என்ன? குறித்த நிறுவனங்கள் நஷ்டத்தை எதிர்நோக்குமானால் அது எவ்வளவு?
சிறிலங்கா ரெலிகொம் உள்ளிட்ட நிறுவனங்கள் அதிக நஷ்டத்தை ஈட்டுவதாக அரசாங்கம் கூறுவதும், இதற்கமைய அதனை தனியார் மயப்படுத்த நடவடிக்கை எடுப்பதையும் ஒருபோதும் ஏற்றுக் கொள்ள முடியாது.
இந்த நிலையில், அரச நிறுவனங்களை தனியார்மயப்படுத்துவது தொடர்பான தீர்மானம் மக்கள் ஆணையுடன் மேற்கொள்ளப்பட வேண்டும்“ என தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
Kuala Lumpur, Malaysia, உடுவில், கொழும்பு, Brampton, Canada
25 Mar, 2025
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
