இலங்கைக்கு கிடைத்த ஏமாற்றம் : ஐ.நா நிதி சேகரிப்பு முயற்சிக்கு கிடைக்காத ஆதரவு

United Nations Sri Lanka Dollars Cyclone Ditwah

By Jaso Feb 09, 2026 11:49 AM GMT

Jaso

in இயற்கை

Report

இலங்கையில் டித்வா சூறாவளியால் பாதிக்கப்பட்ட மக்களுக்கு உதவும் வகையில், ஐ.நாவினால் ஆரம்பிக்கப்பட்ட நிவாரண நிதி சேகரிப்பு முயற்சிக்கு எதிர்பார்க்கப்பட்டவுக்கு நிதி கிடைக்கவில்லை என தகவல்கள் தெரிவிக்கின்றன.

பேரிடரால் பாதிக்கப்பட்டவர்களுக்கு உதவும் நோக்கில், 2025 டிசம்பரில், ஐக்கிய நாடுகள் சபையின் மனிதாபிமான முன்னுரிமைகள் திட்டம் நிதிசேகரிப்பை அறிவித்திருந்தது.

இதுவரை கிடைத்த நிவாரண உதவி

இந்த நிவாரண நிதிக்கு, இதுவரை 22.4 மில்லியன் அமெரிக்க டொலர் கிடைத்துள்ளதாக கொழும்பில் உள்ள ஐ.நா பணியகம் தெரிவித்துள்ளது.

இலங்கைக்கு கிடைத்த ஏமாற்றம் : ஐ.நா நிதி சேகரிப்பு முயற்சிக்கு கிடைக்காத ஆதரவு | Sri Lanka Un Fundraising Effort Lacks Support

2025 டிசம்பர் முதல் 2026 ஏப்ரல் வரை பாதிக்கப்பட்டவர்களுக்கு ஆதரவளிக்க, அரசாங்க ஆதரவுடன் மேற்கொள்ளப்படும் திட்டத்திற்கு, 35.3 மில்லியன் அமெரிக்க டொலர்கள் தேவைப்படுவதாக ஐ.நா அறிவித்திருந்தது.

அவுஸ்ரேலியா, கனடா, ஜெர்மனி, ஜப்பான், நியூசிலாந்து, அமெரிக்கா, பிரித்தானியா மற்றும் ஐரோப்பிய ஒன்றியம் உள்ளிட்ட நாடுகளிலிருந்து ஐ.நாவின் இந்த நிவாரணத் திட்டத்திற்கு பங்களிப்புகள் வந்துள்ளன. எனினும், எதிர்பார்க்கப்பட்ட அளவுக்கு நிதி சேரவில்லை என்றும் தெரிவிக்கப்பட்டுள்ளது.