பங்களாதேஷிற்கு இடையிலான முதலாவது டெஸ்ட் போட்டியில் இலங்கை அணி அபார வெற்றி
இலங்கை மற்றும் பங்களாதேஷ் அணிகளுக்கிடையிலான முதலாவது டெஸ்ட் கிரிக்கெட் போட்டியில் இலங்கை அணி 328 ஓட்டங்கள் வித்தியாசத்தில் வெற்றி பெற்றுள்ளது.
போட்டியின் நான்காம் நாளான இன்று(25) 511 என்ற வெற்றியிலக்கை நோக்கி தமது இரண்டாவது இன்னிங்ஸிற்காக துடுப்பெடுத்தாடிய பங்களாதேஷ் அணி சகல விக்கெட்டுக்களையும் இழந்து182 ஓட்டங்களை மாத்திரமே பெற்றது.
இந்நிலையில் பந்துவீச்சில் இலங்கை அணி சார்பில் கசுன் ராஜித்த ஐந்து விக்கெட்டுகளையும், விஷ்வ பெர்னாண்டோ மூன்று விக்கெட்டுகளையும் கைப்பற்ற லஹிரு குமார இரண்டு விக்கெட்டுகளை வீழ்த்தினார்.
இலங்கை அணி
முன்னதாக தமது இரண்டாவது இன்னிங்ஸிற்காக துடுப்பெடுத்தாடிய இலங்கை அணி சகல விக்கெட்டுக்களையும் இழந்து 418 ஓட்டங்களை பெற்றது.
தமது முதலாவது இன்னிங்ஸில் பங்களாதேஷ் அணி 188 ஓட்டங்களையும் இலங்கை அணி தமது முதல் இன்னிங்ஸில் 280 ஓட்டங்களை பெற்றது.
அபார வெற்றி
இந்த நிலையில் இரண்டு போட்டிகள் கொண்ட டெஸ்ட் தொடரில் இலங்கை அணி 1-0 எனும் அடிப்படையில் முன்னிலையில் உள்ளது.
மேலும் போட்டியின் நாயகனாக தனஞ்சய டி சில்வா தெரிவு செய்யப்பட்டமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்..! |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
