ஈட்டி எறிதல் போட்டியில் இலங்கை வீரர்கள் படைத்த சாதனை
தென்கொரியாவில்(South Korea) நடைபெற்ற 'ஆசிய எறிதல் சம்பியன்ஷிப்' ஈட்டி எறிதல் போட்டியில் இலங்கை வீரர் ருமேஷ் தரங்க தங்கப்பதக்கம் வென்றுள்ளார்.
இப்போட்டியில் மற்றொரு இலங்கை(Sri Lanka) வீரர் சுமேத ரணசிங்க வெண்கலப்பதக்கம் வென்றதுடன், பெண்களுக்கான ஈட்டி எறிதலில் நதீஷா தில்ஹானி வெண்கலப் பதக்கம் வென்றுள்ளார்.
தென்கொரியாவின் மெக்போ நகரில் நடைபெற்ற 2ஆவது ஆசிய எறிதல் சம்பியன்ஷிப்பில் நேற்று (15) நடைபெற்றது.
புதிய போட்டிச் சாதனை
ஆண்களுக்கான ஈட்டி எறிதல் போட்டியில் ருமேஷ் தரங்க பத்திரகே 85.45 மீற்றர் தூரம் எறிந்து தங்கப்பதக்கம் வென்றுள்ளார்.இதன் மூலம் புதிய இலங்கைச் சாதனையையும், புதிய போட்டிச் சாதனையையும் ருமேஷ் தரங்க படைத்துள்ளார்.
இதற்கு முன்னர் 2015ஆம் ஆண்டில் தியகமவில் நடைபெற்ற போட்டியொன்றில் சுமேத ரணசிங்க 83.04 மீற்றர் எறிந்தமையே இதுவரை ஈட்டி எறிதலில் இலங்கையின் தேசிய சாதனையாக இருந்தது, அந்த சாதனை தற்போது முறியடிக்கப்பட்டுள்ளது.
பாரிஸ் 2024 ஒலிம்பிக் ஆண்களுக்கான ஈட்டி எறிதல் போட்டிக்கு நேரடி தகுதி பெறுவதற்கான அடைவு மட்டம் 85.50 மீற்றர்களாகும். எனவே, ஒலிம்பிக் அடைவு மட்டத்தை 5 சென்ரிமீற்றரினால் ருமேஷ் தரங்க அடையத் தவறியுள்ளார்.
இலங்கையின் சாதனை
இதேவேளை,அதேவேளை, முந்தைய இலங்கைச் சாதனையாளரான சுமேத ரணசிங்கவும் நேற்று ஆசிய எறிதல் சம்பியன்ஷிப் போட்டியில் பங்குபற்றி வெண்கலப் பதக்கம் வென்றுள்ளார்.
33 வயதான சுமேத ரணசிங்க இப்போட்டியில் 77.57 மீற்றர் தூரம் ஈட்டி எறிந்தார். பாகிஸ்தானின் எம். யசீர் 78.10 மீற்றர் எறிந்து வெள்ளிப்பதக்கம் வென்றுள்ளார்.
இதேவேளை, பெண்களுக்கான ஈட்டி எறிதல் போட்டியில் இலங்கை வீராங்கனை நதீஷா தில்ஹானி லேக்கம்கே, 57.94 மீற்றர் எறிந்து வெண்கலப் பதக்கத்தை வென்றுள்ளார்.
மற்றொரு இலங்கை வீராங்கனை டயனா ஹர்சனி 48.46 மீற்றர் எறிந்து 7ஆவது இடத்தைப் வென்றுள்ளார். இப்போட்டியில் ஜப்பானிய வீராங்கனை மோமனி உவேதா 61.32 மீற்றர் எறிந்து தங்கப் பதக்கத்தையும் சீனாவின் சூ லிங்டான் 60.06 மீற்றர் எறிந்து வெள்ளிப் பதக்கத்தையும் வென்றுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
