யாழிலும்,வன்னியிலும் இருவேறு சின்னங்களில் களமிறங்கும் தமிழர் சம உரிமை இயக்கம்

 அதிகளவிலான பெண் வேட்பாளர்கள் மாற்று திறனாாளிகள் என தூய கட்சிகளை கடந்த பொது முகங்களுடன் யாழிலும் வன்னியிலும் தமிழர் சம உரிமை இயக்கம் களம் இறங்கியுள்ளது. ஒருங்கிணைந்த தமிழர் கட்டமைப்பின் வழிப்படுத்தலில் மாற்றத்திற்கான அணியாகவே தமிழ் தேசிய தளத்தில் மக்கள் வாழ்வியலை மேம்படுத்த இந்த இயக்கத்தினர் போட்டியிடுவதாக அதன் பொதுச்சொயலாளர் நிகேதன் வெளியிட்டுள்ள அறிக்கையில் குறிப்பிட்டுள்ளார்.

அந்த அறிக்கையில் அவர் மேலும் தெரிவித்துள்ளதாவது,

தூய மாற்றத்திற்கான தமிழ் தேசிய களத்தில் தமிழர் சம உரிமை இயக்கத்தினர் யாழிலும் வன்னியிலும் சுயாதீனமாக யாழில் பசு சின்னத்திலும் வன்னியில் பூட்டு சின்னத்திலும் போட்டியிடுகின்றனர்.

தமிழ் கட்சிகளை நம்பி களைத்து விட்டனர்

தமிழ் மக்கள் யுத்தத்திற்கு பின்னரான 15 ஆண்டுகளில் தற்போது களத்திலுள்ள அனைத்து தமிழ் கட்சிகளையும் நம்பி களைத்து விட்டனர். அவர்கள் தங்களுக்குள் அடிபடுவதிலும் சுகபோகங்களை அனுபவிப்பதற்கும் அதனை விட மதுபானசாலை அனுமதியை பெற்று மக்களை மேலும் போதைக்கு அடிமையாக்கி இளையோரை அழிக்க துணை போனார்களே அன்றி வேறு எந்த நல்ல விடயங்களையும் செய்யவில்லை.

இந்த கையறு நிலையில் தெற்கில் மாற்றத்தை எற்படுத்தியோர் வடக்கிலும் காலூன்ற முனைகின்றனர். தமிழர்களுடைய அடிப்படை அபிலாசைகளை சமஷ்டி முறை இணைந்த வடகிழக்கு மாநிலமோ சம உரிமைகளோ இன்னும் கிடைக்காத நிலையில் அந்த அலையில் அள்ளுண்டு போக தமிழ் மக்கள் விரும்பவில்லை.

கெஹலிய அரசியலில் இருந்து தற்காலிகமாக ஓய்வு

அனைவருக்கும் சந்தர்ப்பம்

காலத்தின் தேவை கருதி குறுகிய அவகாசம் இருப்பினும் மாற்றத்திற்கான தூய பொது முகங்களாக சமூகத்தின் சகல தளங்களிலிருந்து தமிழ் தேசிய மனிதநேயச்செயற்பாட்டாளர்களான நிபுணர்களும் பெண்களும் இளையவர்களும் தியாக வேள்வியில் இளமைக்காலத்தை அர்ப்பணித்த தமிழ் தேசிய போராளிகள், மாற்றுத்திறனாளிகள் என அனைவருக்கும் நாம் சந்தர்ப்பம் வழங்கியுள்ளோம்.

தொகுதிவாரியாக பொறுப்புக்கூறும் கடப்பாட்டுடன் நிறுத்தப்பட்டுள்ள எமது பொது முகங்களான முதன்மை வேட்பாளர் கலாநிதி தே.தேவானந்த் ஊடகவியலாளர் ந. பொன்ராசா, சட்டத்தரணி ஜெ. நீலலோஜினி, கிளி. இந்துக் கல்லூரி முன்னாள் உப அதிபர்.அ. சிவஞானம் உள்ளிட்ட வேட்பாளர் குழாம் யாழில் பசு சின்னத்திலும்

மாவையின் முடிவை நிராகரித்தார் சுமந்திரன் : அம்பலப்படுத்தும் தவராசா

தமிழ் தேசிய போராளி முல்லை ஆனந்தன், முல்லையின் பட்டதாரி இளைஞர் கோகுலன், வன்னி மாற்றுத்திறனாளிகள் சங்க வவுனியா உபதலைவர் சாந்தகுமார், தேசிய மீனவர் ஒத்துழைப்பு சங்க மன்னார் செயலாளர் பாமினி உள்ளிட்ட குழாமினர் வன்னியில் பூட்டு சின்னத்திலும் போட்டியிடுகின்றனர்

இவர்களை ஆதரித்து தமிழ்த் தேசிய மறுமலர்ச்சிக்கு வழி வகுக்க வேண்டுகின்றோம் என தெரிவிக்கப்பட்டுள்ளது.