மாணவனை காணவில்லை : தவிக்கும் உறவுகள்

Missing Persons Puttalam Sri Lanka Police Investigation

By Jaso May 21, 2024 07:42 PM GMT

Jaso

in சமூகம்

Report

புத்தளம்(puttalam) பகுதியில் கடந்த மூன்று நாட்களாக மாணவனை காணவில்லை எனத் தெரிவித்து மாணவனின் உறவினர்கள் காவல் நிலையத்தில் முறைப்பாடு அளித்துள்ளனர்.

இவ்வாறு காணாமற்போனவர் மதுரங்குளி நகரை அண்மித்த நவகம்மானய பகுதியில் வசித்து வந்தவரும் மதுரங்குளி முன்மாதிரி பாடசாலையில் தரம் 7 இல் கல்வி பயில்பவருமான நெதுசர பிரியனந்த எனும் 12 வயதுடைய மாணவன் என காவல்துறையினர் குறிப்பிட்டனர்.

யாருக்கும் சொல்லாமல் வீட்டில் இருந்து வெளியேறிய மாணவன்

கடந்த 18 ஆம் திகதி யாருக்கும் சொல்லாமல் வீட்டில் இருந்து வெளியேறிய மாணவன் இன்னமும் வீடு திரும்பவில்லை என உறவினர்கள் அளித்த முறைப்பாட்டில் தெரிவித்துள்ளனர்.

மாணவனை காணவில்லை : தவிக்கும் உறவுகள் | Student Missing

மாணவன் காணாமல் போன சமயம் வெள்ளை நிற சேட்டும், நீல நிற காற்சட்டையும் அணிந்திருந்தார் என தெரிவிக்கப்படுகிறது.

மாணவன் தொடர்பில் தகவல் தெரிந்தால்

மாணவனின் தாய் தொழில் நிமித்தம் வெளிநாட்டில் வசித்து வரும் நிலையில், மாணவன் பாட்டி வீட்டில் வசித்து வருவதாக தெரியவருகிறது.

மாணவனை காணவில்லை : தவிக்கும் உறவுகள் | Student Missing

மாணவன் தொடர்பில் தகவல் தெரிந்தால் உடனடியாக 0322268221 எனும் காவல் நிலைய தொலைபேசி இலக்கத்திற்குஅல்லது 0718592927 எனும் பொறுப்பதிகாரியின் இலக்கத்திற்கு தெரியப்படுத்துமாறு மதுரங்குளி காவல் நிலையப் பொறுப்பதிகாரி காவல்துறை பரிசோதகர் கே.கே.காமினி விக்ரமசிங்க அறிவித்துள்ளார்.