பலஸ்தீனர்களுக்கு ஆதரவாக பரவும் மாணவர்களின் போராட்டம்!
நெதர்லாந்தில்(Netherlands) உள்ள ஆம்ஸ்டர்டாம் பல்கலைக்கழகத்தில்(University of Amsterdam) பலஸ்தீனத்திற்கு(Palestine) ஆதரவாகவும் இஸ்ரேலுக்கு(Israel) எதிராகவும் மாணவர்கள் மற்றும் கல்வியாளர்கள் உள்ளிட்டோர் போராட்டத்தில் ஈடுபட்டுள்ளதாக ஊடகங்கள் செய்தி வெளியிட்டுள்ளன.
காஸா(Gaza) மீது இஸ்ரேல் நடத்திவரும் தாக்குதலுக்கு எதிராக பல்வேறு தரப்பிலிருந்தும் கண்டனங்கள் எழுந்துவந்த நிலையில், மாணவர்கள் மற்றும் கல்வியாளர்கள் இந்த விவகாரத்தைக் கையில் எடுத்துப் போராட்டங்களை நடத்தத் தொடங்கினர்.
அமெரிக்காவின்(America) கொலம்பியா பல்கலைக்கழகம்(Columbia University) உள்ளிட்ட பல பல்கலைக்கழகங்களில் பலஸ்தீன ஆதரவு போராட்டங்கள் நடத்தப்பட்டதற்கு எதிராக இஸ்ரேல் ஆதரவு போராட்டக்காரர்களும் களத்தில் இறங்க அது வன்முறையாகி பின்னர் காவல்துறை கைது நடவடிக்கை வரை சென்று பெரும் அதிர்வலைகளை ஏற்படுத்தியுள்ளது.
போராட்டக்காரர்கள்
இந்தச் சூழலில் ஐரோப்பாவிலும்(Europe) மாணவர்களின் போராட்டம் பரவியுள்ளது. நெதர்லாந்தில் உள்ள ஆம்ஸ்டர்டாம் பல்கலைக்கழகத்தில் பலஸ்தீனத்திற்கு ஆதரவாகவும் மற்றும் இஸ்ரேலுக்கு எதிராகவும் மாணவர்கள் கல்வியாளர்கள் உள்ளிட்டோர் போராட்டத்தில் ஈடுப்பட்டுள்ளனர்.
போராட்டக்காரர்கள் பல்கலைக்கழக வளாகத்திற்குள் காவல்துறையினர் நுழையாமல் தடுக்க மரக்கட்டைகள் மற்றும் சைக்கிள்கள் போன்றவற்றை வைத்து தடுப்புகளை அமைத்துள்ளனர்.
இருதரப்புக்கும் இடையே மோதல்
அதனை அகற்ற காவல்துறையினர் முயன்றபோது இருதரப்புக்கும் இடையே மோதல் வெடித்த நிலையில் இந்த போராட்டத்தில் 125 இற்கும் அதிகமான போராட்டக்காரர்கள் காவல்துறையினரால் கைது செய்யப்பட்டுள்ளனர்.
அத்தோடு ஜெர்மனியின்(Germany) பெர்லின்(Berlin) நகரிலும் போராட்டங்கள் நடந்து வருகின்ற நிலையில் பெர்லின் நகரில் உள்ள பல்கலைக்கழகத்தில் மாணவர்கள் மற்றும் பலஸ்தீன ஆதரவு செயல்பாட்டாளர்கள் 20 இற்கும் அதிகமான கூடாரங்களை அமைத்தும் மற்றும் மனித சங்கிலிகளாக நின்றும் போராட்டம் நடத்தி வருகின்றனர்.
மேலும் உடனடியாக பல்கலைக்கழக வளாகத்தில் இருந்து போராட்டக்காரர்கள் வெளியேற வேண்டும் என பெர்லின் காவல்துறையினர் ஒலிபெருக்கி மூலமாக எச்சரிக்கை விடுத்து வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
Obersiggenthal, Switzerland, Kirchdorf, Switzerland, Nussbaumen, Switzerland, Mellingen, Switzerland
28 Jul, 2025
Kuala Lumpur, Malaysia, இணுவில், கொழும்பு, Scarborough, Canada
30 Jul, 2025
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
Kedah, Malaysia, சண்டிலிப்பாய், Cheam, United Kingdom
04 Aug, 2024