சுட்டுப்போட்டாலும் ஒதுங்க மாட்டோம் - போராட்டம் தொடரும் என்கிறார் சுகிர்தன்
கடலையே நம்பி வடக்கில் பல குடும்பங்கள் வாழ்ந்து வருகின்றார்கள். ஆனால், பல பண முதலைகள் அந்தக் கடல் வளத்தையே அழிக்கப் பார்க்கிறார்களென முன்னாள் வடக்கு மாகாணசபை உறுப்பினர் ச.சுகிர்தன் ( S. Sukirthan) தெரிவித்தார்.
இன்று அவர் ஊடகங்களுக்கு அனுப்பி வைத்துள்ள செய்திக் குறிப்பிலேயே இந்த விடயம் தெரிவிக்கப்பட்டுள்ளது. குறித்த செய்திக் குறிப்பில் மேலும் தெரிவிக்கப்பட்டுள்ளதாவது,
வடக்கில் றோலர் தொழில் செய்யும் பலர் அரச உத்தியோகத்தர்களாகவும், வேறு தொழில் முயற்சியில் ஈடுபடுபவர்களாகவுமே உள்ளார்கள்.
தொடர்ச்சியாக கடல் தொழிலில் ஈடுபடும் ஒரு சிலரே றோலர் வைத்துள்ளார்கள். அவர்கள் தங்கள் குடும்பத்தைப் போலவே கடலையும் நேசிப்பவர்கள்.
ஆனால் கடலை கொள்ளையடிக்க முதலீடு செய்தவர்கள் எந்த எல்லைக்கும் போவார்கள். அவர்களைக் கண்டு நாங்கள் பயப்படபோவது இல்லை. ஒரு சிலர் வாழ்வதற்காக எங்கள் மண் வளத்தையும், கடல் வளத்தையும் அழிப்பதை பார்த்துக் கொண்டிருக்க முடியாது.
உருவப்பொம்மை என்ன எங்களை சுட்டுப்போட்டாலும் எங்கள் வளங்களை அழிப்பவர்களிற்கு எதிராக போராடுவோம்.
குடத்தனையில் மணல் கொள்ளைக்கு எதிராக போராடிய நண்பன் கேதீஸை சுட்டுக் கொன்றதனை மறக்கவும் இல்லை. அதற்குப் பயந்து மணல் கொள்ளையைத் தடுத்து நிறுத்தாமல் பயந்து ஒதுங்கவும் இல்லை. ஆகவே எங்கள் போராட்டம் தொடரும் - என்றுள்ளது.
யாழ்ப்பாணம், வவுனியா, கனடா, Canada, Montreal, Canada
31 Aug, 2015
