பிரபல தென்னிந்திய நடிகர் சரத் பாபு இன்று காலமானார்
ஹைதராபாத்திலுள்ள வைத்தியசாலையில் சிகிச்சைப் பெற்றுவந்த பிரபல தென்னிந்திய நடிகர் சரத் பாபு சிகிச்சைப் பலனின்றி இன்று காலமாகியள்ளார்.
அவரது மறைவிற்கு திரைத்துறையினர் உள்ளிட்ட அரசியல் பிரமுகர்களும் இரங்கல் தெரிவித்து வருகின்றனர்.
தமிழ் சினிமாவில் நாயகன், குணச்சித்திர மற்றும் வில்லன் பாத்திரங்களில் நடித்த சரத்பாபு, கடந்த சில மாதங்களாக உடல்நலக்குறைவு காரணமாக ஹைதராபாத்தில் ஏஜிஜி மருத்துவமனையில் சிகிச்சை பெற்று வந்தார்.
தமிழ் சினிமா
இந்த நிலையில் அவர் சிகிச்சை பலனின்றி தனது 71 ஆவது வயதில் உயிரிழந்துள்ள நிலையில், அவரது மறைவுக்கு பலரும் இரங்கல் தெரிவித்து வருகின்றனர்.
சரத்பாபுவின் மறைவு செய்தி கேட்டு மிகுந்த வருத்தம் அடைந்ததாக கர்நாடக துணை முதலமைச்சர் டி.கே.சிவக்குமார் கூறியுள்ளார்.
1973 ஆம் ஆண்டு தெலுங்கு சினிமாவில் நடிகராக அறிமுகமான சரத்பாபு. அதன்பின்னர், தமிழில் கே. பாலச்சந்தர் இயக்கத்தில் அறிமுகமானார்.
70,80 களில் முன்னணி நடிகராக வலம் வந்த அவர், நடிகர் கமல், ரஜினி, சிவாஜி, சிரஞ்சீவி ஆகியோருடன் இணைந்து நடித்துள்ளார்.
களுதாவளை, சாவகச்சேரி, மட்டக்களப்பு, London, United Kingdom
14 Apr, 2021
