கனடா இனப்படுகொலை நினைவுச் சின்னம்...! நாடு கடந்த தமிழீழ அரசாங்கம் கடிதம்
கனடா (canada) - ஒன்ராறியோவின் பிராம்ப்டன் மேயர் பேட்ரிக் பிரவுனுக்கு தமிழ் இனப்படுகொலை நினைவுச் சின்னம் தொடர்பான கொள்கை ரீதியான நிலைப்பாட்டிற்கு நாடு கடந்த தமிழீழ அரசாங்கம் தமது வாழ்த்துக்களை தெரிவித்துள்ளது.
குறித்த விடயம் நாடு கடந்த தமிழீழ அரசாங்கத்தின் (Transnational Government of Tamil Eelam) பிரதமர் விசுவநாதன் ருத்ரகுமாரனினால் (Visvanathan Rudrakumaran) ஒன்ராறியோவின் பிராம்ப்டன் மேயர் பேட்ரிக் பிரவுனுக்கு அனுப்பப்பட்ட கடிதத்தில் குறிப்பிடப்பட்டுள்ளது.
நாடுகடந்த அடக்குமுறை
இனப்படுகொலையால் இழந்த தங்கள் அன்புக்குரியவர்களை துக்கம் விசாரிக்கும் உரிமையை இலங்கை அரசு மறுக்கிறது.
தமிழர் அல்லாத கூட்டாளிகள் உட்பட இலங்கையின் எல்லைக்கு வெளியே உள்ள மக்களையும் மிரட்டி விடலாம் என்று இலங்கை அரசு நினைப்பதாகத் தெரிகிறது.
இலங்கை (srilanka) அரசின் நாடுகடந்த பயங்கரவாதத்திற்கு இடமில்லை. 2023 ஆம் ஆண்டுக்கான மனித உரிமைகள் தொடர்பான அமெரிக்க இராஜாங்கத் திணைக்கள அறிக்கையானது புலம்பெயர்ந்த தமிழர்கள் மீதான இலங்கையின் நடவடிக்கைகளை நாடுகடந்த அடக்குமுறையாகப் பொருத்தமாக வகைப்படுத்தியுள்ளது.
மில்லியனுக்கும் அதிகமான கையொப்பங்கள்
சர்வதேச குற்றவியல் நீதிமன்றத்திற்கு (ICC) பரிந்துரைப்பதன் மூலம் தமிழ் இனப்படுகொலையின் தனிப்பட்ட குற்றவாளிகளுக்கு நீதி வழங்க முடியும் என்ற மேயர் பிரவுனின் கருத்தை TGTE பகிர்ந்து கொள்கிறது.
2015 ஆம் ஆண்டில் TGTE ஆனது இலங்கையை ICC க்கு பரிந்துரைப்பதற்கான தனது கையொப்ப பிரச்சாரத்தை ஆரம்பித்தது, இது மூன்று மாதங்களில் 1.6 மில்லியனுக்கும் அதிகமான கையொப்பங்களைப் பெற்றது.
இலங்கை தொடர்பான தனது 2021 அறிக்கையில், அப்போதைய ஐ.நா மனித உரிமைகள் உயர் ஸ்தானிகர் Michelle Bachelet, ICC க்கு இலங்கையின் பரிந்துரையை உள்ளடக்கியிருந்தார்.
மனித உரிமைகள் ஆணையாளர்கள்
அவரது நிலைப்பாட்டை ஏழு முன்னாள் மனித உரிமைகள் ஆணையாளர்கள் மற்றும் பதின்மூன்று முன்னாள் அமெரிக்க சிறப்பு அறிக்கையாளர்கள் இலங்கைக்கு ஆமோதித்தனர்.
எதிர்வரும் செப்டெம்பர் மாதம் நடைபெறவுள்ள மனித உரிமைகள் பேரவை அமர்வில், இலங்கையை ஐசிசிக்கு குறிப்பிடும் தீர்மானத்தை சபை நிறைவேற்றும் என பாதிக்கப்பட்ட தமிழ் மக்கள் நம்புவதாக TGTE கடிதத்தை முடித்துள்ளது.
இலங்கை தொடர்பான முக்கிய குழுவில் அங்கம் வகிக்கும் கனடா, அத்தகைய தீர்மானத்திற்கு அழுத்தம் கொடுப்பதில் முக்கிய பங்கை வகிக்க முடியும் என அக் கடிதத்தில் குறிப்பிடப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஈழத் தமிழரின் நீதிக்காய் போராடிய இறைவழிப் போராளி!
3 நாட்கள் முன்
பிரிட்டனின் தடை… சிறிலங்காவுக்கு அடுத்த நெருக்கடியா…
1 வாரம் முன்
வீமன்காமம் வடக்கு, யாழ்ப்பாணம், பரிஸ், France, Ajax, Canada
03 Apr, 2025
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
இலங்கை, உரும்பிராய், கண்டி, London, United Kingdom, Toronto, Canada
04 Mar, 2025
Kuala Lumpur, Malaysia, உடுவில், கொழும்பு, Brampton, Canada
25 Mar, 2025
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
