பாடசாலை பாடப்புத்தகங்கள் விநியோகம் : கல்வி அமைச்சர் வெளியிட்ட அறிவிப்பு
2024 ஆம் ஆண்டு ஆரம்பிக்கப்படுவதற்கு முன்னர் அடுத்த வருடத்திற்கான பாடப்புத்தகங்களை பாடசாலை மாணவர்களுக்கு விநியோகிக்க ஏற்பாடுகள் செய்யப்பட்டுள்ளதாக கல்வி அமைச்சர் சுசில் பிரேமஜயந்த தெரிவித்தார்.
ஹோமாகம, பிடிபனவில் அமைந்துள்ள கல்வி வெளியீடுகள் திணைக்களத்தின் பிரதான களஞ்சியசாலையில் இருந்து நாடளாவிய ரீதியில் உள்ள பிராந்திய மத்திய நிலையங்களுக்கு பாடப்புத்தகங்கள் விநியோகிக்கப்படும் இடத்தை பார்வையிட்ட போதே அவர் இவ்வாறு தெரிவித்தார்.
மாணவர்களுக்கு மட்டுமே சீருடை துணிகள்
குறிப்பிட்ட எண்ணிக்கையிலான மாணவர்களுக்கு மட்டுமே சீருடை துணிகள் வழங்கப்படும் என்று பல்வேறு தரப்பினர் பரப்பும் ஆதாரமற்ற குற்றச்சாட்டுகளையும் அமைச்சர் நிராகரித்தார். சீருடை துணிகள் மற்றும் மதிய உணவு ஆகிய இரண்டும் வழமை போன்று தாமதமின்றி வழங்கப்படும் என அமைச்சர் பிரேமஜயந்த உறுதியளித்தார்.
இந்த அனைத்து பௌதீக வசதிகளையும் வழங்குவதற்கான எதிர்பார்ப்பு மற்றும் பாடத்திட்டத்தை உரிய நேரத்தில் நிறைவு செய்வது 2024 ஆம் ஆண்டின் இறுதிக்குள் முடிவிற்கு வரும் எனவும் கொவிட் 19 தொற்றுநோய்களின் போது சீர்குலைந்த அனைத்து கல்வி நடவடிக்கைகளையும் மீட்டெடுக்கப்படும் எனவும் அவர் தெரிவித்தார்.
கடந்த ஆண்டை ஒப்பிடும் போது, இந்த ஆண்டு பாடப்புத்தகங்களை அச்சிடும் பணியை, குறைந்த செலவில், உரிய நேரத்தில் செய்து முடித்ததால், ரூ. 4,000 மில்லியன் ரூபாவை சேமிக்க முடிந்ததாகவும் அமைச்சர் பிரேமஜயந்த தெரிவித்தார்.
இலாபம் ஈட்டத் தொடங்கியுள்ள அரச அச்சக கூட்டுத்தாபனம்
அரச அச்சக கூட்டுத்தாபனம் (SPC) இலாபம் ஈட்டத் தொடங்கியுள்ளது என்றும், எதிர்காலத்தில் அனைத்துப் பாடசாலை பாடப்புத்தகங்கள், பயிற்சிப் புத்தகங்கள் மற்றும் இதர அரசு ஆவணங்கள் அச்சிடும் செயற்பாடு அரச அச்சக கூட்டுத்தாபனத்திற்கு வழங்கப்படும் என்றும் அவர் கூறினார்.
இந்த நாட்டில் கல்வி சீர்திருத்தங்களை உறுதிப்படுத்துவதற்கு, இந்த நிறுவனங்கள் மற்றும் ஊழியர்களின் ஆதரவும் அர்ப்பணிப்பும் இன்றியமையாதது என அமைச்சர் மேலும் தெரிவித்தார்.
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
