பஸில் ராஜபக்சவால் ஒருபோதும் முடியாது -அடித்துக்கூறும் சம்பிக்க
பசில் ராஜபக்ஷ நாடாளுமன்றத்திற்கு வந்தாலும் நாட்டின் சரிந்த பொருளாதாரத்தை மீட்டெடுக்க முடியாது என்று ஐக்கிய மக்கள் சக்தியின் நாடாளுமன்ற உறுப்பினர் பாட்டாலி சம்பிக்க ரணவக்க தெரிவித்தார்.
இன்று (27) எதிர்க்கட்சித் தலைவர் அலுவலகத்தில் நடைபெற்ற ஊடகவியலாளர் சந்திப்பிலேயே அவர் மேற்கண்டவாறு தெரிவித்தார்.அங்கு அவர் மேலும் தெரிவிக்கையில்,
நாட்டின் பொருளாதாரம் இப்போது எக்ஸ்பிரஸ் பேர்ள் கப்பலைப் போன்றது. "பசில் ராஜபக்ஷ பொருளாதாரத்தை நிர்வகிக்கும் பல பணிக்குழுக்களின் தலைவராக இருந்தார். ஒரு சிறிய உதாரணம் தருகிறேன். அந்த கப்பல் சமீபத்தில் எக்ஸ்பிரஸ் பேர்ள் என்று அழைக்கப்பட்டது. முதலில் தீயை அணைக்க முயற்சிக்கப்பட்டது, ஆனால் அது பலனளிக்கவில்லை. அடுத்து கப்பலை இழுக்க ஒரு குழு வந்தது. அது இறுதியாக இரண்டாக உடைந்து மூழ்கியது. பசில் வந்தாலும் அதுதான் நடக்கும்.
பொருளாதாரம் இப்போது அந்த எக்ஸ்பிரஸ் பேர்ள் கப்பலைப் போன்றது. அது தீயில் எரிந்து கொண்டிருக்கிறது. அதனை பசில் இழுக்கச் செல்லும்போது, மற்றொரு சரிவு ஏற்படும். பசில் மட்டுமல்ல, ராஜபக்ச குடும்பத்தில் எவரும் இன்று இந்த நாட்டில் சரிந்த பொருளாதாரத்தை மீட்டெடுக்க முடியாது. ஏனென்றால் இதற்கு அவர் பொறுப்பு.
பசில் தனது அமெரிக்க குடியுரிமையை விட்டுவிட்டு நாட்டின் குடிமகனாக மாற முடியாவிட்டால், அந்த நாட்டின் மீது அவருக்கு அத்தகைய அன்பு இல்லையென்றால் வேறு என்ன சொல்ல முடியும்?
இருந்தபோதிலும், எமது புதிய அரசாங்கம் ஆட்சிக்கு வந்த பின்னர் அரசியலமைப்பின் 19 வது திருத்தத்தின் விதிகள் மீண்டும் கொண்டு வரப்படும் என்று அவர் மேலும் தெரிவித்தார்.
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
