திஸ்ஸ குட்டியாராச்சிக்கு அந்த தகுதியே இல்லை! மொட்டுக் கட்சிக்குள் வெடித்த எதிர்ப்பு
முன்னாள் நாடாளுமன்ற உறுப்பினர் திஸ்ஸ குட்டியாராச்சி அநுராதபுர மாவட்ட மக்களுக்கு தலைமைத்துவத்தை வழங்கக்கூடிய மக்கள் தலைவர் அல்ல என்று சிறிலங்கா பொதுஜன பெரமுனவின் அநுராதபுர மாவட்ட உள்ளூராட்சி மன்றத் தலைவர்கள் உள்ளிட்ட பிரதிநிதிகள் தெரிவித்துள்ளனர்.
பொதுஜன பெரமுனவின் அநுராதபுர மாவட்டத்தின் தலைவரான திஸ்ஸ குட்டியாராச்சி, மாவட்டத்தில் உள்ள மூத்தவர்களைத் தவிர்த்து, வேறு பாதையில் செல்கிறார் என்று அநுராதபுரம் மாநகர சபையின் முன்னாள் மேயர் எச்.பி. சோமதாச குறிப்பிட்டுள்ளார்.
அதிகாரப்பூர்வமற்ற ஜனாதிபதி
குட்டியாராச்சி நாமல் ராஜபக்ச அரசாங்கத்தின் அதிகாரப்பூர்வமற்ற ஜனாதிபதியாக தன்னை அறிவித்துக் கொண்டாலும், அரசியலமைப்பில் அத்தகைய நிலைப்பாட்டை அவர் பார்த்தது கூட இல்லை என்றும் முன்னாள் மேயர் சுட்டிக்காட்டியுள்ளார்.
இந்த நிலையில், அநுராதபுரம் மாவட்டத்திற்கு வரலாறு முழுவதும் முக்கியமான நபர்கள் தலைமைத்துவத்தை வழங்கியுள்ளனர் என்றும், எதிர்காலத்திலும் மாவட்டத்திற்கு இதுபோன்ற நபர்கள் தேவை என்றும் முன்னாள் மேயர் வலியுறுத்தியுள்ளார்.
கடும் எதிர்ப்பு
மேலும், கட்சியைப் பாதுகாக்க மாவட்டத் தலைமைத்துவத்திற்கு பொருத்தமான நபர்கள் நியமிக்கப்பட வேண்டும் என்றும், அநுராதபுரம் மாவட்டத்தில் திஸ்ஸ குட்டியாராச்சிக்கு பொதுமக்கள் கடும் எதிர்ப்பு இருப்பதாக அவர் தெரிவித்துள்ளார்.
இதன்படி, எதிர்காலத்தில், கட்சியை விட்டு வெளியேறிய முன்னாள் தலைவர்களை ஒன்றிணைத்து மாவட்டத் தலைமைத்துவம் உருவாக்கப்பட வேண்டும் என எச்.பி. சோமதாச குறிப்பிட்டுள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
அல்லைப்பிட்டி, பிரான்ஸ், France
12 Nov, 2011
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026