TIN இலக்கம் பெற வரிசையில் நிற்க வேண்டாம் : மக்களுக்கு பிரதி அமைச்சர் அறிவிப்பு

வரி செலுத்துவோர் அடையாள எண்ணைப் (TIN) பெறுவதற்காக உள்நாட்டு இறைவரித் திணைக்கள (IRD) அலுவலகங்களுக்குச் சென்று வரிசையில் நிற்க வேண்டாம் என்று பொருளாதார அபிவிருத்தி பிரதி அமைச்சர் நிஷாந்த ஜயவீர தெரிவித்துள்ளார்.

இன்று (03) நாடாளுமன்றத்தில் உரையாற்றிய போதே பிரதி அமைச்சர் இதனைக் குறிப்பிட்டுள்ளார்.

அவர் மேலும் தெரிவிக்கையில், வரி செலுத்துவோர் அடையாள எண் சான்றிதழ்களைப் பெற வேண்டிய கட்டாயம் பொதுமக்களிடையே தேவையற்ற கவலையை ஏற்படுத்தியுள்ளது, மக்கள் பதற்றமடைய வேண்டாம்.

பிணையில் செல்ல அனுமதிக்கப்பட்டார் நாமல்!

புதிய நடைமுறை 

ஓட்டுநர் உரிமம் பெறுதல், வாகன வருமான உரிமம் பெறுதல் அல்லது வங்கிக் கணக்குகளைத் தொடங்குதல் போன்ற பல்வேறு தேவைகளுக்கு, இனி மக்கள் உள்நாட்டு இறைவரித் திணைக்கள அலுவலகங்களுக்கு நேரில் சென்று TIN சான்றிதழ்களைப் பெற வேண்டிய அவசியமில்லை. இதற்கான புதிய நடைமுறை குறித்த விசேட அறிவிப்பு விரைவில் வெளியிடப்படும்.

இந்த புதிய ஏற்பாட்டின் கீழ், இதுவரை TIN சான்றிதழுக்கு பதிவு செய்யாதவர்கள், தாங்கள் சேவையைப் பெற விரும்பும் நிறுவனத்திடம் தமது தேசிய அடையாள அட்டையின் (NIC) நகல், பயன்பாட்டிலுள்ள கைபேசி எண் மற்றும் மின்னஞ்சல் முகவரி ஆகியவற்றை வழங்கினால் போதுமானது.

தொடர்புடைய நிறுவனம், விண்ணப்பதாரருக்குத் தேவையான சேவையை வழங்குவதுடன், TIN தொடர்பான நடைமுறைகளை நிறைவு செய்வதற்காக உள்நாட்டு இறைவரித் திணைக்களத்துடன் நேரடியாக ஒருங்கிணைந்து செயற்படும்.

போதைப்பொருள் கடத்தல்கார பெண்களுடன் தொடர்பு : அக்குரஸ்ஸ குற்றப்பிரிவு OIC அதிரடியாக பணிநீக்கம்

 மக்கள் நீண்ட வரிசையில் காத்திருக்கின்றனர்

விண்ணப்பதாரரின் விபரங்களை அந்த நிறுவனம் உள்நாட்டு இறைவரித் திணைக்களத்திற்கு அனுப்பும், அதன் பின்னர் திணைக்களம் அந்த விண்ணப்பதாரருக்குரிய TIN அல்லது வருமான வரி எண்ணை, அவர் வழங்கிய மின்னஞ்சல் முகவரிக்கு அனுப்பி வைக்கும்.

மேலும், தனிநபர்கள் தமது அடையாள அட்டை எண் மற்றும் பதிவு செய்யப்பட்ட மின்னஞ்சல் முகவரியைப் பயன்படுத்தி, உள்நாட்டு இறைவரித் திணைக்களத்தின் இணையவழி முறைமை (Online System) மூலமாகவும் TIN மற்றும் வருமான வரிச் சான்றிதழ்களைப் பெற்றுக்கொள்ள முடியும்.

இந்த புதிய நடைமுறை ஏற்கனவே TIN வைத்திருப்பவர்களுக்கும், இன்னும் பெறாதவர்களுக்கும் பொருந்தும்“ என அவர் மேலும் தெரிவித்தார்.

இதேவேளை, நவம்பர் 1ஆம் திகதி முதல் பல்வேறு சேவைகளைப் பெறுவதற்கு TIN கட்டாயமாக்கப்பட்டதைத் தொடர்ந்து, இலங்கை முழுவதும் உள்ள உள்நாட்டு இறைவரித் திணைக்கள அலுவலகங்களுக்கு முன்னால் மக்கள் நீண்ட வரிசையில் காத்திருப்பது குறித்தும், இதனால் ஏற்படும் தாமதங்கள் மற்றும் சிரமங்கள் குறித்தும் பொதுமக்கள் முறைப்பாடுகளை முன்வைத்திருந்தமை குறிப்பிடத்தக்கது.

கந்தரோடையில் திடீரென நிறுவப்பட்ட புத்தர் சிலை: வெளியான புதிய தகவல்