சாமர சம்பத் தசாநாயக்கவுக்கு விளக்கமறியல்

புதிய இணைப்பு

வாக்குமூலம் வழங்குவதற்காக இலஞ்ச ஊழல் விசாரணை ஆணைக்குழுவில் முன்னிலையான நிலையில் கைதான நாடாளுமன்ற உறுப்பினர் சாமர சம்பத் தசாநாயக்கவை விளக்கமறியலில் வைக்க நீதிமன்றம் உத்தரவிட்டுள்ளது.

இதன்படி எதிர்வரும் 23 ஆம் திகதி வரையில் விளக்கமறியலில் வைக்க நீதிமன்றம் உத்தரவிட்டுள்ளது.

சந்தேகநபர் இன்று (12) பிற்பகல் கொழும்பு பிரதான நீதவான் நீதிமன்றில் முன்னிலைப்படுத்தப்பட்ட போதே, இந்த உத்தரவு பிறப்பிக்கப்பட்டுள்ளது.

மூன்றாம் இணைப்பு

இலஞ்ச ஊழல் விசாரணை ஆணைக்குழுவில் முன்னிலையான நிலையில் கைதான நாடாளுமன்ற உறுப்பினர் சாமர சம்பத் தசாநாயக்க நீதிமன்றில் முன்னிலைப்படுத்தப்பட்டுள்ளார்.

கொழும்பு பிரதான நீதவான் நீதிமன்றில் சற்றுமுன்னர் முன்னிலைப்படுத்தப்பட்டதாக எமது செய்தியாளர் தெரிவித்தார்.

81 இலட்சம் ரூபாவை இலஞ்சமாகப் பெற்றுக் கொண்ட குற்றச்சாட்டுத் தொடர்பில் இலஞ்ச ஊழல் விசாரணை ஆணைக்குழு விசாரணைகளை ஆரம்பித்திருந்தது.

இதுதொடர்பில் இன்று வாக்குமூலம் வழங்க முன்னிலையாகியிருந்த சாமர சம்பத் தசநாயக்க சுமார் 3 மணித்தியாலங்கள் வாக்குமூலம் வழங்கியிருந்த நிலையில் கைது செய்யப்பட்டார்.

இரண்டாம் இணைப்பு

சாமர சம்பத் தசநாயக்க அதிரடி கைது! 

வாக்குமூலம் வழங்குவதற்காக இலஞ்ச ஊழல் விசாரணை ஆணைக்குழுவில் முன்னிலையான நாடாளுமன்ற உறுப்பினர் சாமர சம்பத் தசாநாயக்க கைது செய்யப்பட்டுள்ளார்.

81 இலட்சம் ரூபாயை இலஞ்சமாகப் பெற்றுக் கொண்ட குற்றச்சாட்டுத் தொடர்பில் இலஞ்ச ஊழல் விசாரணை ஆணைக்குழு விசாரணைகளை ஆரம்பித்திருந்தது.

இதுதொடர்பில் இன்று வாக்குமூலம் வழங்க முன்னிலையாகியிருந்த சாமர சம்பத் தசநாயக்க சுமார் 3 மணித்தியாலங்கள் வாக்குமூலம் வழங்கியிருந்த நிலையில் கைது செய்யப்பட்டுள்ளார்.

சாமர சம்பத் தசநாயக்க முன்னதாக கைத்தொழில் இராஜாங்க அமைச்சராகப் பதவியில் இருந்த காலத்தில் அவரது தனிப்பட்ட செயலாளராகப் பணியாற்றிய சுமதிபால லியனாராச்சி என்பவரும் இந்த விசாரணைகள் தொடர்பாகக் கைது செய்யப்பட்டு தற்போது விளக்கமறியலில் வைக்கப்பட்டுள்ளமை குறிப்பிடத்தக்கது.

முதலாம் இணைப்பு

நாடாளுமன்ற உறுப்பினர் சாமர சம்பத் இலஞ்ச ஊழல் ஆணைக்குழுவில் முன்னிலை

நாடாளுமன்ற உறுப்பினர் சாமர சம்பத் தசநாயக்க இன்று (12) காலை இலஞ்ச ஊழல் ஆணைக்குழுவில் முன்னிலையாகியுள்ளார்.

ஆணைக்குழுவினால் விடுக்கப்பட்ட அழைப்பின் பேரில் அவர் அங்கு முன்னிலையாகியுள்ளார்.

முன்னெடுக்கப்பட்டு வரும் விசாரணை தொடர்பில் வாக்குமூலம் ஒன்றைப் பெற்றுக்கொள்வதற்காக அவர் அழைக்கப்பட்டுள்ளதாகத் தெரிவிக்கப்படுகிறது.

கச்சத்தீவு இலங்கைக்குச் சொந்தமானது : இந்திய உயர் நீதிமன்றத்தின் தீர்ப்பை வரவேற்கும் அநுர

இலஞ்சம் அல்லது ஊழல் குற்றச்சாட்டுகள்

81 ரூபாய் இலட்சம் இலஞ்சமாகப் பெற்றதாகக் கூறப்படும் சம்பவம் தொடர்பான விசாரணைகளுக்காகவே அவர் அழைக்கப்பட்டுள்ளார்.

குறித்த சம்பவம் தொடர்பில் வாக்குமூலம் ஒன்றைப் பெற்றுக்கொள்வதற்காக, கடந்த 09ஆம் திகதி ஆணைக்குழுவில் முன்னிலையாகுமாறு அவருக்கு அறிவிக்கப்பட்டிருந்தது.

எனினும், அன்றைய தினம் அவர் முன்னிலையாகாததால், அதற்குப் பதிலாக இன்று முன்னிலையாகவுள்ளதாக அறிவித்துள்ளதாகத் தகவல்கள் தெரிவிக்கின்றன.

சாமர சம்பத் தசநாயக்க, 2022 செப்டெம்பர் 08ஆம் திகதி முதல் 2024 செப்டெம்பர் 23ஆம் திகதி வரை ஆரம்பக் கைத்தொழில்கள் இராஜாங்க அமைச்சராகப் பதவி வகித்த காலப்பகுதியில், மூன்று நிறுவனங்களுக்கு முறையான நடைமுறைகளைப் பின்பற்றாமல் பொஸ்பேட் இறக்குமதி செய்வதற்கான அனுமதிப்பத்திரங்களை வழங்குவதற்காக, அவரது அப்போதைய தனிப்பட்ட செயலாளர்  81 ரூபாய் இலட்சம் இலஞ்சமாகப் பெற்றதாகக் கூறப்படும் சம்பவம் தொடர்பிலேயே விசாரணைகள் முன்னெடுக்கப்படுகின்றன.

சிறையில் பௌத்த துறவிகளின் காவி ஆடை: புதிய விதிமுறைகளை வகுக்கிறது அரசாங்கம்.

பொல்கஹவெல - பேராதனை இடையே இன்று முதல் புதிய தொடருந்து சேவை