சர்வதேச நாணய நிதியத்தின் உத்தியோகபூர்வ கலந்துரையாடல் இன்று

Central Bank of Sri Lanka CEB Sri Lanka IMF Sri Lanka Economy of Sri Lanka

By Sathangani Jan 16, 2024 08:57 AM GMT

Sathangani

in அரசியல்

Report

நாட்டிற்கு வருகை தந்துள்ள சர்வதேச நாணய நிதிய பிரதிநிதிகள்(IMF) குழு மற்றும் இலங்கை அதிகாரிகள் இடையிலான உத்தியோகபூர்வ கலந்துரையாடல் இன்று(16) ஆரம்பமாகவுள்ளது.

ஆறு பேர் அடங்கிய சர்வதேச நாணய நிதிய பிரதிநிதிகள் குழு, மின்சார சபை, மத்திய வங்கி மற்றும் நிதி அமைச்சு உள்ளிட்ட நிறுவனங்களின் அதிகாரிகளுடன் கலந்துரையாடலில் ஈடுபடவுள்ளதாக நிதி இராஜாங்க அமைச்சர் ஷெஹான் சேமசிங்க தெரிவித்துள்ளார்.

இலங்கை மற்றும் சர்வதேச நாணய நிதியத்திற்கு இடையிலான வேலைத்திட்டத்தை மேலும் வலுப்படுத்துவது தொடர்பில் இதன்போது கலந்துரையாடப்படவுள்ளதாக இராஜாங்க அமைச்சர் தெரிவித்துள்ளார்.

அதிபரைச் சந்தித்த நாணய நிதிய பிரதிநிதிகள்

மேலும், அவர்கள் அண்மையில் அதிபரைச் சந்தித்து, பொருளாதார மறுசீரமைப்பை மேற்கொண்டு இலங்கை குறிப்பிடத்தக்களவு முன்னேற்றம் அடைந்துள்ளமை தொடர்பில் தமது பாராட்டுகளை தெரிவித்திருந்தனர்.

சர்வதேச நாணய நிதியத்தின் உத்தியோகபூர்வ கலந்துரையாடல் இன்று | Today Is The Official Discussion Of The Imf

இக்குழுவினர் எதிர்வரும் 19 ஆம் திகதி வரை இலங்கையில் தங்கியிருக்கவுள்ளதாக தெரிவிக்கப்பட்டுள்ளது.

இந்நிலையில் சர்வதேச நாணய நிதிய பிரதிநிதிகள் கடந்த நாட்களில் வடக்கு மற்றும் கிழக்கு மாகாணங்களுக்கு விஜயம் மேற்கொண்டு ஆளுநர்களைச் சந்தித்து பல்வேறு விடயங்கள் தொடர்பில் கலந்துரையாடல் மேற்கொண்டமை குறிப்பிடத்தக்கது.