106.6 வீதமாக வளர்ச்சியடைந்த சுற்றுலாப் பயணிகளின் வருகை
கடந்த ஆண்டு டிசம்பரில் நாட்டிற்கு வருகை தந்த சுற்றுலாப் பயணிகளின் எண்ணிக்கையைப் பார்த்த போதிலும், 2023 ஆம் ஆண்டிற்கான 1.5 மில்லியன் சுற்றுலாப் பயணிகளின் வருகை இலக்கை இலங்கை தவறவிட்டுள்ளது.
2023 ஆம் ஆண்டில் 1,487,303 சுற்றுலாப் பயணிகள் இலங்கைக்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளது.
இவர்களில் 210,352 பேர் கடந்த டிசம்பர் மாதத்தில் இலங்கை வந்துள்ளதாக அந்த சபை தெரிவித்துள்ளது. இதேவேளை, கடந்த நவம்பர் மாதம் 151,496 சுற்றுலாப் பயணிகள் இலங்கைக்கு வருகை தந்திருந்தனர்.
106.6 வீதமாக வளர்ச்சி
2022 ஆம் ஆண்டில், 719,978 சுற்றுலாப் பயணிகள் இலங்கைக்கு வருகை தந்திருந்தனர்.
இதன்படி, 2022ஆம் ஆண்டுடன் ஒப்பிடுகையில், 2023ஆம் ஆண்டு இலங்கைக்கு வருகை தந்த சுற்றுலாப் பயணிகளின் எண்ணிக்கை 106.6% ஆக வளர்ச்சியடைந்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளது.
2023 ஆம் ஆண்டிற்கான அரசாங்கத்தின் உத்தியோகபூர்வ இலக்கான 1.5 மில்லியனை அடைவதற்கு சுற்றுலாப் பயணிகளில் 12,697 சுற்றுலாப் பயணிகளின் வருகையே குறைவாக உள்ளது.
சுற்றுலாத்துறை அமைச்சர் ஹரின் பெர்னாண்டோ, 2023 ஆம் ஆண்டில் நாடு கிட்டத்தட்ட 1.5 மில்லியன் வருகை இலக்கை எட்டிவிடும் என்று கடந்த சனிக்கிழமை கணித்திருந்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஏழாலை, யாழ்ப்பாணம், கொழும்பு, மெல்போன், Australia, சிட்னி, Australia
16 Jun, 2024
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
