புத்தாண்டில் கடமைகளை ஆரம்பித்த அதிபர் ரணில் விக்ரமசிங்க (படங்கள்)

Parliament of Sri Lanka Ranil Wickremesinghe Sri Lanka Sri Lanka Government

By Sathangani Jan 01, 2024 10:35 AM GMT

Sathangani

in அரசியல்

Report

சவால்களை சரியாகப் புரிந்துகொண்டு 2024 இல் நாட்டை வெற்றிப் பாதைக்கு கொண்டு செல்வதற்கு நம்பிக்கையான மனப்பான்மையுடனும் உறுதியுடனும் அனைவரும் ஒன்றிணைந்து அர்ப்பணிப்புடன் செயற்பட வேண்டியதன் அவசியத்தை அதிபர் ரணில் விக்ரமசிங்க சுட்டிக்காட்டினார்.

2024ஆம் ஆண்டு புத்தாண்டில் அதிபர் தனது கடமைகளை ஆரம்பித்து வைத்ததன் பின்னர், இன்று (01) முற்பகல் அதிபர் அலுவலகத்தில் அமைச்சர்கள் மற்றும் அவரது ஊழியர்களைச் சந்தித்தார்.

புதிய வருட கடமைகளை ஆரம்பிக்கும் முகமாக அதிபர் ரணில் விக்ரமசிங்க, தேசியக் கொடியை ஏற்றிவைத்த பின்னர், நாட்டிற்காக உயிர்த் தியாகம் செய்த வீரர்களுக்கு 01 நிமிட மௌன அஞ்சலி செலுத்தப்பட்டது.

அரச சேவை உறுதிமொழி

பின்னர் அதிபர் அலுவலக ஊழியர்கள் அனைவரும் ஒன்றிணைந்து அரச சேவை உறுதிமொழியை எழுத்துக்கொண்டனர்.

புத்தாண்டில் கடமைகளை ஆரம்பித்த அதிபர் ரணில் விக்ரமசிங்க (படங்கள்) | President Ranil Started His Duties In The New Year

இதேவேளை தனது ஊழியர்களுக்கு புத்தாண்டு வாழ்த்துக்களைத் தெரிவித்த அதிபர் அவர்களுடன் சிநேகபூர்வ உரையாடலில் ஈடுபட்டார்.

இதன் பின்னர் ரணில் விக்ரமசிங்க அமைச்சர்கள் மற்றும் ஊழியர்களுடன் தேநீர் விருந்துபசாரத்தில் கலந்து கொண்டார்.

பலர் கலந்து கொண்டனர்

இந்நிகழ்வில் அமைச்சர் பந்துல குணவர்தன, இராஜாங்க அமைச்சர்களான ரஞ்சித் சியம்பலாபிட்டிய, ஷெஹான் சேமசிங்க, கனக ஹேரத், நாடாளுமன்ற உறுப்பினர் வஜிர அபேவர்தன, தேசிய பாதுகாப்பு தொடர்பான அதிபரின் சிரேஷ்ட ஆலோசகரும் அதிபர் பணிக்குழாம் பிரமானியுமான சாகல ரத்நாயக்க, அதிபரின் செயலாளர் சமன் ஏக்கநாயக்க, காலநிலை மாற்றம் தொடர்பான அதிபரின் சிரேஷ்ட ஆலோசகர் ருவன் விஜேவர்தன, பொருளாதார விவகாரங்கள் தொடர்பான அதிபரின் சிரேஷ்ட ஆலோசகர் கலாநிதி ஆர்.எச்.எஸ்.சமரதுங்க, அதிபரின் நாடாளுமன்ற விவகார ஆலோசகர் ஆஷு மாரசிங்க, அதிபரின் தொழிற்சங்கப் பணிப்பாளர் நாயகம் சமன் ரத்னப்பிரிய மற்றும் அதிபர் அலுவலகத்தின் சிரேஷ்ட அதிகாரிகள் ஆகியோர் கலந்துகொண்டனர்.