கிண்ணியாவில் படகு கவிழ்ந்ததில் இருவர் பலி

Sri Lanka Police Trincomalee Sri Lankan Peoples Eastern Province

By Laksi Feb 14, 2024 01:18 PM GMT

Laksi

in சமூகம்

Report

கிண்ணியா- ஈச்சந்தீவு கலப்பு பகுதியில் படகு கவிழ்ந்ததில் இருவர் உயிரிழந்துள்ளதாக காவல்துறையினர் தெரிவித்துள்ளனர்.

இச்சம்பவம் இன்று (14) அதிகாலை இடம்பெற்றுள்ளது.

இதன்போது கிண்ணியா ஆலங்கேணி பகுதியைச் சேர்ந்த உதயரூபன் ஐஸ்மன் (18வயது) மற்றும் திருகோணமலையைச் சேர்ந்த புஷ்பராஜா (45) ஆகியோரே இவ்வாறு உயிரிழந்துள்ளதாக காவல்துறையினர் தெரிவித்துள்ளனர்.

காவல்துறையினரின் விசாரணை

ஐந்து பேர் கொண்ட குழுவினர் படகில் பயணித்ததாகவும் இதனை அடுத்து படகு கவிழ்ந்ததாகவும் காவல்துறையினர் வாக்குமூலத்தில் தெரிவிக்கப்பட்டுள்ளது.

கிண்ணியாவில் படகு கவிழ்ந்ததில் இருவர் பலி | Trinco Boat Accidet

சம்பவ இடத்துக்கு விரைந்த கிண்ணியா திடீர் மரண விசாரணை அதிகாரி எம்.எஸ்.ஷாபி சடலத்தை பார்வையிட்டு விசாரணை முன்னெடுத்த பின்னர் உடல் கூற்று அறிக்கைக்காக திருகோணமலை பொது வைத்தியசாலைக்கு கொண்டு செல்லுமாறு காவல்துறையினருக்கு கட்டளையிட்டார்.

கிண்ணியாவில் படகு கவிழ்ந்ததில் இருவர் பலி | Trinco Boat Accidet

அத்துடன் குறித்த ஐவரும் ஏன் படகில் பயணித்தனர் என்பது பற்றிய விபரங்கள் தெரியாமல் உள்ளதாகவும் இது தொடர்பில் விசாரணைகளை மேற்கொண்டு வருவதாகவும் கிண்ணியா காவல்துறையினர் தெரிவித்துள்ளனர்.