வழக்கறிஞர் கட்டணமாக 4 இலட்சம் டொலர் செலுத்துமாறு ட்ரம்பிற்கு நீதிமன்றம் உத்தரவு

Donald Trump United States of America New York

By Sathangani Jan 13, 2024 11:17 AM GMT

Sathangani

in அமெரிக்கா

Report

அமெரிக்காவின் நியூயோர்க் நகரை மையமாகக் கொண்டு 1851இலிருந்து செயற்படும் பிரபல தினசரிப் பத்திரிக்கையாக, தி நியூயோர்க் டைம்ஸ் (The New York Times) விளங்குகின்றது.

2018இல், சுசன் க்ரெய்க் (Susanne Craig), டேவிட் பார்ஸ்டோ (David Barstow) மற்றும் ரஸ்ஸல் ப்யூட்னர் (Russell Buettner) எனும் அப்பத்திரிகையின் 3 புலனாய்வு செய்தியாளர்கள், அப்போதைய அமெரிக்க அதிபர் டொனால்ட் ட்ரம்பின் சொத்துக்கள் மற்றும் வருமான வரி செலுத்துவதில் அவர்கள் பின்பற்றும் வழக்கங்கள் குறித்து ஒரு ஆய்வுக் கட்டுரையைப் பதிவிட்டனர்.

வழக்குப் பதிவு செய்த ட்ரம்ப்

2021இல் இக்கட்டுரையில் உள்ள கருத்துக்கள் தவறானவை எனும் முறைப்பாட்டுடன் டொனால்ட் ட்ரம்ப் இந்நிறுவனத்திற்கு எதிராக வழக்குப் பதிவு செய்தார்.

வழக்கறிஞர் கட்டணமாக 4 இலட்சம் டொலர் செலுத்துமாறு ட்ரம்பிற்கு நீதிமன்றம் உத்தரவு | Trump Ordered To Pay 400000 Dollars New York Times

ஆனால், அந்த 3 செய்தியாளர்களையும், தி நியூயோர்க் டைம்ஸ் பத்திரிகையையும் வழக்கிலிருந்து நீதிமன்றம் விடுவித்தது.

நியூயோர்க் நீதிமன்ற நீதிபதி ரொபேர்ட் ரீட் (Robert Reed) தீர்ப்பின் படி, ட்ரம்ப் 3,92,638 டொலர் தொகையை வழக்கறிஞர் கட்டணமாக அப்பத்திரிகைக்கு வழங்க வேண்டும் என உத்தரவிட்டுள்ளார்.

ட்ரம்பின் வழக்கறிஞர் அதிர்ச்சி

குடும்பத் தகராறில் தனது உறவுக்கார பெண் மேரி, வாக்குறுதியை மீறி, அவர் வசம் வைத்திருந்த தனது வரி விபரங்களை செய்தியாளர்களுக்கு வழங்கியதாக ட்ரம்ப் குற்றம் சாட்டி வழக்கு தொடர்ந்தார். மேரி மீதான அந்த வழக்கு விசாரணை, நிலுவையில் உள்ளது.

இந்நிலையில் இத்தீர்ப்பு குறித்து ட்ரம்பின் வழக்கறிஞர் அலினா ஹப்பா (Alina Habba), "பத்திரிகையும், அதன் செய்தியாளர்களும் இந்த வழக்கில் இருந்து விடுவிக்கப்பட்டுள்ளமை தங்கள் தரப்பிற்கு அதிர்ச்சி அளிக்கிறது" என தெரிவித்தார்.