கொழும்பை உலுக்கிய இரட்டை கொலை - இரு இளைஞர்கள் பலி: காதலால் நேர்ந்த விபரீதம்

Sri Lanka Police Colombo Sri Lanka Police Investigation Death

By Thulsi Oct 01, 2026 06:43 AM GMT

Thulsi

in சமூகம்

Report

இளைஞர்கள் குழுவினருக்கிடையே ஏற்பட்ட வாய்த்தர்க்கம், பின்னர் மோதலாக மாறியதில் இடம்பெற்ற கத்திக்குத்துத் தாக்குதலில் இரு இளைஞர்கள் உயிரிழந்துள்ளனர்.

குறித்த சம்பவம் கொழும்பு – மாளிகாவத்தை பகுதியில் இடம்பெற்றுள்ளதாக காவல்துறையினர் தெரிவித்துள்ளனர்.

காதல் விவகாரம் காரணமாக ஏற்பட்ட மோதலிலேயே 19 மற்றும் 20 வயதுடைய இளைஞர்கள் உயிரிழந்துள்ளதாக காவல்துறையினர் தெரிவித்துள்ளனர்.

மேலதிக விசாரணை

குறித்த சம்பவம் தொடர்பில் கத்திக்குத்துத் தாக்குதலை மேற்கொண்டதாகக் கூறப்படும் இளைஞர் ஒருவர் காவல்துறையினரால் கைது செய்யப்பட்டுள்ளார்.

கொழும்பை உலுக்கிய இரட்டை கொலை - இரு இளைஞர்கள் பலி: காதலால் நேர்ந்த விபரீதம் | Two Boys Killed Critically Injured In Maligawatte

சம்பவத்துடன் தொடர்புடைய யுவதியிடமிருந்தும் காவல்துறையினர் வாக்குமூலம் பெற்றுள்ளனர்.

காவல்துறை விசாரணைகளின்படி, உயிரிழந்தவர்களில் ஒரு இளைஞர், ஏற்பட்டிருந்த தகராறை சமரசம் செய்து வைப்பதற்காக அங்கு சென்றிருந்த நிலையில், சந்தேகநபரின் கத்திக்குத்துக்கு இலக்காகியுள்ளதாக தெரியவந்துள்ளது.

மேலும், சம்பவம் தொடர்பான மேலதிக விசாரணைகளை காவல்துறையினர் முன்னெடுத்து வருகின்றனர்.