இலங்கை இளைஞர்கள் தொடர்பில் வெளிவந்துள்ள புதிய தகவல்! எச்சரிக்கும் மருத்துவர்கள்
இலங்கையில் தடுப்பூசியைப் பெற இளைஞர்கள் ஆர்வம் காட்டாமல் இருக்க பல முக்கிய காரணங்களை சுகாதார அதிகாரிகள் முன்வைக்கின்றனர்.
இது தொடர்பில் பொது சுகாதார ஆய்வாளர்கள் சங்கத்தின் தலைவர் உபுல் ரோஹன கூறுகையில்,
நாட்டில் தற்போது 20-30 வயதுக்குட்பட்டவர்களில் 25% க்கும் குறைவான இளைஞர்களே தடுப்பூசி பெற்றுள்ளனர்.
மற்ற தடுப்பூசிகளை விட அதிக செயல்திறன் கொண்டதாக இவர்கள் கருதும் ஃபைசர் அல்லது மொடர்னா தடுப்பூசிகளை பெற விரும்புவதே முக்கிய காரணம் என்று அவர் கூறினார்.
இரண்டாவதாக, கல்வி அல்லது வேலைவாய்ப்பிற்காக வெளிநாடுகளில் ஏற்றுக்கொள்ளப்பட்ட தடுப்பூசிகளை எதிர்பார்ப்பதும் காரணமாகும். இளைஞர்கள் சினோஃபார்ம் கோவிட் தடுப்பூசியைப் பெறுவதைத் தவிர்க்கிறார்கள்.
பல நாடுகள் பயணிகளுக்கான தடுப்பூசி கொள்கையை தளர்த்தியுள்ளதாக தெரிவித்துள்ள உபுல் ரோஹன, தற்போதுள்ள தடுப்பூசியை பெறுமாறு வலியுறுத்தினார்.
மற்ற விஷயங்களுக்கு முன்னுரிமை கொடுப்பதற்கு முன்பு, முதலில் வைரஸிலிருந்து உயிரைப் பாதுகாப்பது அவசியம் என்று அவர் எச்சரித்தார்.
இதற்கிடையில், 20 - 29 வயதுக்குட்பட்டவர்களிடையே கொரோனாவுக்கு எதிராக தடுப்பூசி போடுவதற்கு ஆர்வம் இல்லாதது குறித்து மற்ற சுகாதார அதிகாரிகள் தீவிர கவலைகளை எழுப்பியுள்ளனர்.
பல இளைஞர்கள் தடுப்பூசிகள் கருவுறாமைக்கு வழிவகுக்கும் என்ற அச்சத்தில் பெற ஆர்வம் காட்டவில்லை. அதே சமயம் சிலர் நிரூபிக்கப்படாத இயற்கை வைத்தியங்களை விரும்பினர்.
புள்ளிவிவரங்களின்படி, ஆகஸ்ட் மாதத்தில் மட்டும் வைரஸால் பாதிக்கப்பட்டவர்களில் 95 சதவீதம் பேர் தடுப்பூசி போடப்படவில்லை. அதே நேரத்தில் இலங்கை இளைஞர்களிடையே தினமும் குறைந்தது 2 முதல் 3 இறப்புகளைப் பதிவு செய்கின்றது.
நாடு இயல்பு நிலைக்கு திரும்புவதை நோக்கமாகக் கொண்டிருந்தால், இந்த வயதினருக்கு விரைவில் தடுப்பூசி போட வேண்டும் என்று அவர்கள் மேலும் கூறினர்
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
