தெதுரு ஓயாவில் நீராடச் சென்றவர்களுக்கு நேர்ந்த அவலம்
சிலாபம் (Chilaw) - தெதுரு ஓயாவில் நீராடச் சென்ற ஒருவர் உயிரிழந்துள்ளதாக காவல்துறையினர் தெரிவித்துள்ளனர்.
குறித்த சம்பவமானது நேற்று (14) மாலை இடம்பெற்றுள்ளது.
சம்பவம் தொடர்பில் தெரியவருகையில், தெதுரு ஓயாவில் நீராடச் சென்ற இருவரில் ஒருவர் நீரில் மூழ்கிய நிலையில் காப்பாற்றப்பட்டதாகவும், மற்றைய நபர் சிலாபம் வைத்தியசாலையில் அனுமதிக்கப்பட்டதன் பின்னர் உயிரிழந்துள்ளதாகவும் காவல்துறையினர் தெரிவித்துள்ளனர்.
மேலதிக விசாரணை
ஹட்டன் (Hatton)- வட்டவளை (Watawala) பகுதியைச் சேர்ந்த 20 வயதுடைய நபரே உயிரிழந்துள்ளார்.
உயிரிழந்தவர் தனது மனைவி மற்றும் மூன்று பேருடன் தெதுரு ஓயாவில் நீராடச் சென்ற போது நீரில் மூழ்கி உயிரிழந்துள்ளதாக தெரிவிக்கப்படுகின்றது.
மேலும், இந்த சம்பவம் தொடர்பான மேலதிக விசாரணைகளை சிலாபம் காவல்துறையினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
